اختي وعزيزتي دنيتي قلبك والله انا كونت وجهة نظر من زمان بعد تفكير وتمحيص لبعض الامور ومناقشه لأصحاب الفكر
اللذين يطلبون بعزل او طمس دور هيئة الامر بالمعروف والنهي عن المنكر ((واسمحي لي اني اناقش هالفقرة من طرحك بس))
فأنا ناقشت ناس كثير ينقمون على الهيئه سواء بالمنتديات ولا بالفيس بوك ولا مباشرة وجها لوجهه يعني وتاكدت انه الموضوع بالنسبه لهم عبارة عن كذبه كذبوها وصدقوها المساكين انه الهيئه تحارب الشباب وتضربهم وماادري وش تسوي لهم وانه تحارب حرية المراة وتقيدها باللباس الاسود على قولهم
فعندما اسال واحد من الشباب ليش ماتبي اوتكره الهيئه ؟؟؟؟؟ يقول لي موقف حصله مع الهيئه واروح اسال واحد ثاني يقولي نفس الموقف والله العظيم نفس الموقف والثالث والرابع والخامس والسادس كذلك ارد عليهم برد بسيط اقولهم ياشباب انا عايش معكم بنفس الديرة ولاعمر الهيئه تعرضوا لي سواء بااهانه او ضرب اوغيره والله العظيم مارى منهم الا كل خير ومحبه ويعاملوني على اساس اني اخ بس الله المستعان
وانا بداية نقاشي مع اي واحد يشكك او ينقد على الهيئه اقوله هذه الايه الكريمه ((كنتم خير امة اخرجت للناس تأمرون بالمعروف وتنهون عن المنكر ))) واساله عن رايه او تفسيره لهذه الايه اهو مع اوضد المبدأ الاساسي فاذا قال خل القران اوخل السنه وقام يخنبق فهذا والعياذ بالله يشكك بالقرآن فبالتالي النقاش معه على غير وجهه وعلى غير فايده
واما اذا قال ايه صح فأقوله يااخي قل خيرا او اصمت خل الهيئه بحالها
ولكن بالنسبه لما تبقى من طرحك الجميل والراقي فأنا اشوف ان الناس اللي تكلم بالحريات والمواضيع البايخه الاخرى وتسعى بشتى الجهود والافكار ان تطيح بهذا الكيان الشامخ الذي نحترمه ونعتبره اساس الحياة والعطاء والمحبه ويرويدونه ان يصل الى ماوصلوا اليه من انحطاط وفساد وضياع وانه يسنخدم لغرض واحد بس وهو معروف لدينا جميعا
يريدون ان يطيحون بالمراة السعوديه في شباك الذل والهوان والرغبات الفانيه فحسبي الله عليهم ونعم الوكيل
والله يحفظ لنا بناتنا وامهاتنا وخواتنا من كل سوء ومكيده وضلاله ويشغل من اراد بهم سوء بنفسه ويجعل كيده في نحره....
شاكر لك اختي دنيتي على الجهود وعلى الموضوع الرائع الذي ينم عن مدى حرصك وخوفك على مجتمعنا الله يعطيك العافيه ودمتي بخير