السلام عليكم ورحمة الله وبركاته "
اعزائي // طلاب وطالبات قسم اداره اعمال الموقرين ""
اتمنى ان تكونو بأفضل حال وصحه وسلامه "
وانكم بديتو الدراسه بشكل حلوو وجميل وبروح دراسيه رائعه "
اسأل الله لي ولكم التوفيق والسداد "" والوصول لمبتغاكم وكل ماتطمحون اليه بإذن الله "
<<< ندخل في صلب الموضوع "
وش الي صاير يالغالين ؟ 
ليه بين فتره وفتره تصير في مواضيع ( تهجم واندفاع و انقضاض ) ع المشرفين بالذااااااااات ؟؟
طبعآآآ بدون ذكر اسماء " انا اخص مشرفين هالقسم كلهم بدون استثناء وانا معاهم بعد "
( تهديد " تحريض " استهزآء " تقليل من شأن احد المشرفين امام الجميع )
ليه ؟؟
احسكم كاتمين في قلوبكم وشايلين بخاطركم وحاقدين علينآآ "
من تشوفون موضوع فيه كلمه مشرف او مشرفه ع طووول
اشوف الردود في غضون ربع ساعه وصلت للصفحه الرابعه "
كلها انتقادات وتحريض وكلام مدري شلون قايل
1- ( مدري شفيهم عشانهم مشرفين قامو يتحكمون فينا )
2- ( فاهمين الاشراف غلط )
3- ( الاداره ماتعرف تختار مشرفين كفئ )
4- ( عندهم صلاحيات ومايعرفون يستخدمونها )
و .... الخ "
اشياء كثييييييييييييييره "
خلوناا نوقف هنا شوي ونتنااقش "
انا وحده تموت بشي اسمه نقاش لكن ( النقاش الي نطلع منه بفاااائده )
مانبي نزعل ولا نزعل احد "
هالموضوع نزلته عشان اناقشه معاكم
الواحد لا شاف احد عزيز عليه يغلط ويكون هالشخص كبير وعاقل وفاهم
( يروح يتفاهم معاه هو )
مايروح لشخص ثاني ويكون تصرف معاه وخلاص "
وانا جييييتكم انتم "
بعضكم يكتب مواضيع نقاش رااااااااااااائعه " لكن بسبب بعض ردود الاعضاء الموضوع يفقد مصداقيته "
وان جينا وتصرفنا مع صاحب الرد ( يزعل ) انا ماهمني زعل واحد ولا وحده " اذا كان غلطان والكل شايف هالشي "
مستعده اخسر عضووو او 2 او 3 ولا اشوف ان كل اعضاء القسم متضررين منه "
الزم ماعلي راحتكم قبل الكل " ودنا نكسبكم قبل لا تكسبونآآ
صايرين حاقدين علينا وكارهينااا لو اقول السلام عليكم احس بيجيني كف ع وجهي "
ليه كل هذا صاير ؟؟
مااكان في هالشي قبل " شوفو المستوى الـ 3 ؟؟ يازينهم حالهم بحالهم وهم اول دفعه الي هي دفعتي "
ليه ماكانو يتصرفون زي كذآ ويزعلون ماكانت في مشاكل اول " مع ان تصرفي معاكم نفسه كنت اسويه معاهم ما اشوف احد زعل مني وقتها "" 
والحمد لله ما اشوف ان احد زعلان علي حاليآآ لكن اكيد فيه "
الكل كان يحب قسم اداره ويدخله مع انه مو بـ هالقسم ويوم سألنا عن سبب التواجد قالو
( نرتاح لردودكم ) " بقسم اداره المنتدى الخاصه بالانتساب كنا افضل قسم " لا شكاوي ولا اعتراضات ولا شي
ليه كل هالحوسه صارت بالآونه الاخيره "
ماراح اكثر كلام عليكم ابي اطلع من هالموضوع ( بالزبده معاكم )
مع اني المفروض اكتب هالموضوع بقسم الشكاوي والاقتراحات
لكن
(( انااا ابي اتناقش معاكم انتم هنااا )) انتم اصحاب الشأن والفائده الاولى والاخيره لكم قبل الكل "
مابي اكتبه وواعزمكم عليه هناك عشان تكتبون لي الي بخاطركم "
القسم قسمكم انتم "
اكتبو عبروو اطرحو مواضيع اسألو اسئله ( بحدود الادب ) محد بيقدر يقولكم شي "
ابي اعرف الحين ووش الشي الي ماتبغونه ورافضينه من تصرفنا معاكم "
اكتبوو الي بخاطركم كلللللللللللله (( في حدود الادب ))
رد يخرج عن نطاق الادب والاحترام لآرآء الجميع (( بغض النظر عنه ولا راح اجيه ولا بأناقشه ))
بأكتفي بحذفه والتفرغ للردود الباقيه "
فديتكم كلنا اخوان " كلنا نبي نعين ونعاون وتنساعد ونساعد" بحدود طاقتنا "
ترى مابين كل واحد ووحده فيكم الا شاشه وكيبورد محد يعرف الثاني الا الاقليه "
كل كلمه ورد تعكس شخصيه صاحبهآآآ "
نبي نكسب بعض ونساعد بعض ونوقف مع بعض ونحط يدنا بيد بعض "
رجعو للقسم هيبته وروحه وحركته ونشاطه "
اكثر المشاركات هنااا عندنا 
اكثر تواجد عندنا " كثيييييييير حولو من اقسامهم لقسمنآآ "
ابي اجوبه ع الاسئله التاليه ""
1- وش الي تبغونه عشان اناقشه مع ( المشرفين ) ونطلع بفائده مرضيه للكل "
2- ( حذف/ نقل / دمج / اغلاق ) << ايهم تفضلون من بعد الاجابه على الموضوع والتأكد من وصول الجواب للسائل "
انا عني احب ( الدمج والاغلاق ) << للمواضيع العاديه
المواضيع المكرره ( الرد عليها ومن ثم نقلها لقسم المواضيع المكرره )
* قوانين كنت اتبعها ومازلت "
قوانين المنتدى اداره اعمال " "
موضوع يكون سؤال ( يتم الرد عليه والتأكد من وصول الاجابه للسائل ) ومن ثم ( دمج الموضوع مع موضوع الاسئله او اغلاقه )
حتى يتسنى لغيره السؤال وطرح الاجابه "
والتنويه قبل اغلاق الموضوع بكلمه ( اي سؤال اخر الرجاء التوجه لموضوع الاسئله )
ساعات تكتبون اسئله ومايكون احد عارف جوابها الا الاقليه ومع الردود بموضوع الاسئله يروح السؤال ورى "
ارجعووو اكتبوه مره ثاني ان مااارد احد عليكم وكان السؤال مستعجلللللل وتبون الاجابه الفوريه عليه "
((( نزلز موضوع وكتبو - سـألنا ومارديتو علينا - ف نزلنا موضوع لاننا مستعجلين ع الجابه )))
2- موضوع يكون نقاش ( بحدود الادب )
( تتم مناقشته بهدوء وابداء الرآي واحترام وجهات النظر لكل من الطلاب والطالبات ) لان اختلاف الرآي لا يفسد للود قضيه "
في اغلب المواضيع ( تتواجد ردود تعتبر كـ تخريب للموضوع والتقليل من شأنه )
صاحبـ/ــه الموضوع ماله ذنب "
التصرف الاول""
حذف مثل هذه الردود ومتابعه الموضوع بشكل عادي لكن "
ان حذفنا رد يجي بعده 2 وان حذفناهم يجي بعده 5 وكل شوي بنمشي ونحذف وش النتيجه ؟؟ (( الموضوع قلب لساحه معركه وسب وشتم ))
في هذه الحاله "" افضل "
1-ارسال رساله خاصه لصاحب الردود السيئه
2- وتذكيره بقوانين المنتدى
3- وان استمر اعطاءه انذار اول "
4- وان استمر هذا الشي ( الباند ) افضل تصرف "
وان كانو اكثر من رد " ارشح "
اغلاق الموضوع مع شرح سبب الاغلاق لصاحبـ/ــة الموضوع ( برساله خاصه ) والاعتذار عن ذالك "
مابي اكتب اكثر من كذآآ "
نبي نتناااقش مع بعض بكل شي ونبي نطلع بفاااائده الكل راضي عنهاااا ""
يلا نبدآ بسم الله نستقبل اول رد " << الو مرحبآآآ
<< جالسه ع المكتب ومعها ورقه تنتظر اول عضوو او عضوه يشاركون "
انتظر ارءكم بفااااااااارغ الصبر "
اختكم "
المٌشٍرفه العَآمه لٍقِسٌّم إدآره اعًمًالٌ