|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
.: مايملي عيون الرجال !!:.
مايملي عيون الرجال من الرجـال الا الزحـول
ابصم عليهـا بالعشـر عـن اقتنـاع وتجربـه
واصدق احاديـث الزمـان تقولهـا كبارالفعـول
ماهـو حديـث الالسنـه لـو وثقتهـا المكتبـه
والمدح لامن قيل في رجـل يقـول ولا يطـول
كنـه مسبـه والطريـقـه راقـيـه ومهـذبـه
والقلب ضحكة صبح مترامي وبالحزن ومغسـول
تجمع الاضـداد فـي صـورة جمـال مرتبـه
والشعر فـارس حلـم والفكـره حياويـه بتـول
انـا الـذي يرسـم تفاصيـل الزفـاف ويكتبـه
ماجيت اروج للهزل وحـاور كفـوف الخبـول
من باب كسب اعجاب ساذج ومن سذاجة معجبه
ولاجيت اقول ان التكبر شرط تبريير الوصـول
دام الوصول احيان مايحتـاج شعـر و موهبـه
لا والله الا جيت ابنشر فكـر واخاطـب عقـول
لـو كثـر اكثرهـم نمـط تواجـدي مايعجبـه
يكفيني اعجابـي بذاتـي روح وافكـار وميـول
و تفاخـري لامـن لقيـت بينـي وبينـي شبـه
مانيب منافس غير انا واحساس في صدري يجول
احيان اقوله واكتبـه واحيـان يكفـي واشطبـه
والبارحه مثل السنه تجـارب ووقـت وفصـول
عطت ضميري من دروس الوقت مالـم يطلبـه
زلت خويي وطعنت صحيب وتشمت من عـذول
ياكبرها فـي حـق مـن يفخـر بفعـل وشنبـه
تطّلع الرجـال مـن طـوره وتدخلـه فذهـول
مابين مايصدق ماحصل او مـا حصـل يكذبـه
لابارك الله في النوايا البيض لاصـارت تحـول
من دون عرفك صدق نيـة صاحبـك ومذهبـه
لكن دامـك محتـرف ياصاحبـي دق الطبـول
حاول تلاقي لك مكان بخلـف بظهـر المطربـه
ماعاد لـك عنـدي مقـام ولا مـلام ولاقبـول
وجه على حظك ركايـب لـوم نفسـك واندبـه
ياصوتي المبحـوح ساعدنـي اباغنـي واقـول
شي وقـف لـي يسهلـه قـدام افكـر بصعبـه
والحب هبّل في عقل قيس وترك قيـس مهبـول
وانا على حده سبـب مـن مـر قلبـي وسلبـه
الفارع اللي كنهـا مختـاره مـن طـول طـول
يلبـق علـى رزة جسدهـا لاتحـرك موكـبـه
اليامشـت تنتابـك الحيـره ويذبحـك الفضـول
كن بعضهـا ماهـوب وياهـا وكنهـا تسحبـه
لبا غنجها والكـلام الـذرب والطـرف الخجـول
اللي ليا من سلهـم عرفـت ان المنيـه بسببـه
وانانجيل شعور لو ماكـن فـي جسمـي نحـول
واخـااف يغلبنـي غـرام عيونهـا ولا اغليـه
والموت ماهو من خسار صاحب الغرو الجفـول
الموت لامنـي دريـت ان غيـري قـد يكسبـه
|