|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
صوت الأمل .. جامح مع الوقت وينادي
يا فلان !! صدك يحرق الحين محطوبـك
شفني أردد .. حسرتي بـأول إنشـادي
وآخر كلامي ب/ انسلخ منك وأتوبك
هذي وصية خافقي .. جوّهـا هـادي
عنوانها : موت الغلا كان من صوبـك
ما تنفع أبياتي إذا غصـت بإجهـادي
حثيت خطواتي غلا .. وأنت يا دوبـك
ما دام حبك بآخـر الوقـت متهـادي
وش عاد عذرك والوفا مات بذنوبـك
هذي نهايات الأمل.. تلبـس حـدادي
لكن ابسأل : بعدي اليوم وش ثوبك ؟
يا ما هقيت ولا شرقت شمس ببـلادي
ذ**** جرحْ .. ولحظة الوَجْد بغروبك
ليتك فهمت من الغلا ضجـة عنـادي
ما كان لوح لك مع البعد .. محبوبـك
ليتك تشوف البسمة بعيـن حسـادي
ما كان طعناتـي مسافـات لحروبـك
دام الغلا في آخـر السالفـة : عـادي
الله يسهّل رحلتك ... لآخـر دروبـك
روّح .. و خل مولع أشواقنـا غـادي
له قلب واحد .. وأنت يا كثرها قلوبك
خل الأمل صوته علـى نبرتـي حـادي
يحرق بقايا حسرتي وسـط محطوبـك
ما قلت لك صوت الألم بأول إنشـادي
يجبر خفوقي ينسلخ منـك و يتوبـك
|