|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
يازين ضاق الفضا والهم طاويني
دايم تغلا وتجرح قلب محبوبك
دايم وطعنات صدك بين ضلعيني
مدري من اللي بدا يلعب بمحسوبك
ياخوفي احد ٍ وقف مابينك وبيني
والا غوات البشر بالحيله اغووبك
ياما شكيت العنا لك من عناويني
والحين ابشكي عذابي منك واسلوبك
يامعذبي ليه تجرحني وتشقيني
ياقل وصلك معاي.. ومكثر اهروبك
مجروح والجرح فيني حيل يكفيني
تجرح خفوقي وقلبي يستر عيوبك
لا قالو الناس وش به ..؟ قلت يغليني
امدحك لا قامو العربان يشنوبك
حرام والله تزيد الهم .. هميني
واعيش همّي وحيد الهم .. مسلوبك
يعني خطاي اعشقك واهواك ياعيني
واتحّسب انك تفصلني مثل ثوبك
حسافه الحين يوم اجيك بالليني
تحسبني اللي تلاعبّه على دوبك
افطن.. تراني اعرفك شين ٍ وزيني
واميّز الصدق من كذبك وملعوبك
واميّز اسلوبك اليا من تحاكيني
واميّزك بالزعل من حالة اغروبك
كان انت ناوي على الفرقا اتخليني
ما اقول غير الله يسهل لك دروبك
تروح وتلفّ ثم ترجع .. وترجيني
تردّك اعوام ما تعطيك مطلووبك
مصير الايام تكشف خافي اسنيني
واذّكرك زين .. وا قرّيك مكتووبك
وتراي . لا اقفيت صعب انّك تراضيني
لو تعترف بالخطا .. وتعدّد اذنووبك
|