|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
يالله هذا الصبح في ذمة الله
لا نور لا عصفور لازهور تحييه
أشرق ظلام الشمس والليل جلاه
شلّت رياح البرد نبض الدفا فيه
استهمت الأقدار ترمي حناياه
جلجل سكون الفجر يالله تشفيه
جعل المنايا ما تمره وتنساه
جعل المنايا تترك الفهد .. تخطيه
واليوم فك الريق سم وجرعناه
نار تشب الجوف تحرق مجاريه
وا حر نزف القلب والكبد حراه
وا لهفة ضلوع الثكالى تناديه
وا فهدنا والجرح كبْرت خطاياه
وا فهدنا والحزن شبّت لياليه
وا فهدنا والهم نوّخ مطاياه
على صدور اليتْم والفقْد والتيه
ترعى شرايين الوله عند طرياه
تلتح من عروق العتب والمشاريه
مااجتمعت الاقوام بادنى سواياه
يوفيه شعر ٍ ذاهلات ٍ قوافيه
وا فهدنا والكون ضجت ثناياه
واسرف فجور النار ينهش بواقيه
لو يفتدى راس الأمم طاحت فداه
لو يفتدى فهد الفدا كان نفديه
وقْفَت نهايات الفخر عند مبداه
الممطر اللي قبّل الغيم أياديه
المؤمن اللي ينصر الدين مسعاه
القايد اللي نكّس غرور أعاديه
الوالد الحاني ولولا عطاياه
مااخضر وجه الارض واحيا مراعيه
العالي اللي طيبات ٍ نواياه
ما اجتمعت الأخصام من دون ساعيه
لعثم حسابات الأمم في مزاياه
فهد الزعيم الحر وشلون نحصيه ؟
في جنة الفردوس مسكنه يالله
وسّع مداخيله و جازي تفانيه
|