|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
اشتعلنا سؤال وما انطفينا إجابة
طال صمت النهار و حلمنا مستحيل
سابح ٍ بالغياب وغارق ٍ بالكآبة
ما يشوف الطريق وما يكف الرحيل
يرتكبْه الجنون ويفترسْه اغترابه
الجروح المسافة والمداوي عليل
في هموم ٍ سباع وفي ليال ٍ ذيابه
حارس ٍ من هلاك و محبس ٍ من عويل
جف ريق الأماني وغدرته السحابة
ارتوينا سراب وما عبرنا السبيل
كيف موت الضياع وكيف سكتة عذابه
كيف واول خطانا طولها ألف ميل
انتهى بالحطام اللي من اول بدا به
ما ترف الجوانح تحت حمل ٍ ثقيل
|