|
تعالوا نذاكر مع بعض من الأول
اهلين جميعا بما اني فاشلة بصياغة المواضيع بخش دوغري 
الموضوع للي يبون يذاكرون اول باول مذاكرة يومية
يعني خلونا نتفق ان مثلا ان يوم سبت كلنا نشوف محاضرة رياضيات نراجعها شوي
ونجي نتناقش فيها
مثلا انا حسيت ان هالمعادلة صعبه 4 غيري كلهم نفس شئ يجي احد فهمها يفهمنا اياها او عنده مدرس خصوصي ويفيد الكل معه لان ترى موب الكل عنده الوقت والقدرة المادية يحط مدرس
ولا نلاحظ نقطه ركز عليها كثيييير الدكتور ننبه بعض عليها ونحددها ونرجع نذاكرها
كل واحد يشارك بطريقته وترتيب وقته للمذاكرة يمكن تعجبني طريقتك ويمكن غيري مايعرف كيف يذاكر الاقتصاد ولا موب عارف يرتب وقته
ونتحاور وناخذ معلومات عن الكتب والملخصات وغيرها او
نحط لنا جدول للمذاكرة اول باول عشان يكون التأسيس صح خصوصا احنا مستوى اول وباقي مواد بالمستويات الثانية اذا مافلحنا بالمستوى الاول ماراح نفلح بالباقي لان ماتعرفون احنا ناخذ محاسبة 1 اذا مافهمتها ماراح تفهم محاسبة 2 وغيرها من المواد
يعني بنصير كان احنا بكلاس واحد ونرتب وقتنا احسن من لجات الاختبارات نصير تونا نصحى لنفسنا ونستفيد من اللي سبقونا كلهم قالوا ان اللي جاب فيهم العيد هو عدم المذاكرة اول باول
( اذا المستويات اللي قبلنا عندها معلومات او اقتراحات او بتجي تشرح حياهم )
الكل يقدر يعطي اقتراحة عن الجدول بس الجدول اللي بحطه حاولت اخلي بين كل مادة حسابيه ولا ارقام مادة غير حسابية
السبت : اقتصاد
الاحد : قانون
الاثنين : محاسبة
الثلاثاء أدارة ( الاداره للحين مانزلت فنحط بدالها رياضيات الا ان تنزل )
الاربعاء : رياضيات
الموضوع موب للمشاكل والاسئلة من ناحية ( ماقدرت افتح محاضرة - ولا البلاك بورد معلق - الخ الخ ) فيه موضوع مستقل فوق لها
ويالله على بركه الله مين بيشارك , واذا مافيه مشاركة علموني عشان القط وجهي
|