انا ماجيت اباكتب خط وامحي خط واتردد
انا جيتك وله وذبول
متيم يمطرك حبه

انا جيتك وشوقي لك على طاريك يتجدد
وشوقي لك مهو معقول
أمانة لا تلاعب به

احبك كثر ما احبك وكل الوصف يتبدد
ابوصل آخر المجهول
ما لاقي وصف يتشبه

على بعدك طيور الحب ورد الشوق يتشهد
وحلم العاشق المقتول
مشاعر فيك مضطربة

جناح الحب يا روحي يرفرف لك ويتمدد
بدونك عاجز ومشلول
بدونك موطنه غربة

تعال اهواك واشكي لك جنوني فيك يتودد
وطمن خاطري المشغول
وقلب ٍ سلمك قلبه

يلاحق نبضي دروبك تشوفه بس تتصدد
دخيلك اكرم المرسول
ورش بلهفتك دربه

دخيل القلب في نبضك ونبض الوجد يتنهد
جريح ونازف و مذهول
متى يلقاك في قربه ؟