سوووري يمكن ما اقدر ادخل الأيام الجايه علشان الأمتحانات
فقلت مارح احط تجربه بس بحط مواقف استفدت منها
** ليست الأمور كما تبدو **
هذا الله يسلمكم لما كنت في ثاني ثانوي
كل امتحان اطلع احس اني ماحليت زين ولا البنات يطلعوا االي اخطاء في ايجاباتي
وكنت اتحطم واتضااايق وفي النهايه اخذت 100 %
وفي ثالث كنت اطلع مستانسه وحاله كل شي صح
وبعدين اخذت 99 %
ومن يومها اذا حليت زين ماستانس واذا زفت ما اتضايق
**** الطمع شي مره مره مو كويس <<< الأخت مييح في التعبير ***
مره كنت مسافره انا وابوي واختي اسبوعين
المهم كانت السفره مررررررره جنان واليوم الي بنرجع فيه انا واختي كنا زعلانين
والا في المطار تقول الموظفه انه مافي مقاعد لنا ورح يعوضونا لكل واحد مبلغ 700 دولار وسكن في فندق 5 نجوم
لمدة يوم واليوم الي بعده نرجع
ورجع ابوي وقال لنا كذا طبعا استانسنا وقلنا ايه الا واحد جبنا يقول لنا لاتوافقون على طول علشان يزيديون في المبلغ(ياشين
اللقافه) قال ابوي يلا نجرب
يوم سوينا كذا الا الموظفه تقول خلاص بحاول ادبر لكم المقاعد
وفي النهايه رجعنا و طول الوقت انا واختي ندعي على الرجال خخخ خرب علينا يوم كامل
يعني لو وافقنا من البدايه << للحين منقهره ,,
اخر شي وجمله دايما ارددها
كـــل شي في صلاح الأنسان
مهما الي صار الي مو عاجبني او ما احبه هو في النهايه مصلحه
يعني مرات كثير تصير اشياء مو مثل الي ابغاه واتمناه بس في النهايه يطلع هو الشي الأحسن لي
وسلامتكـــم
اتمنى ما طولت عليكم