مليت .. أجزم أغيب .. وارجع [ لبابك ] ..!
(كن .. الخطاوي .. على دربك . توديني )
اطرق وصالك ويرد الصوت : وش جابك . !
وانا بغيابك .. يطيح الكون من عيني ..
شفها . دموعي تعاني لوعة غيابك .. .!
وشفها ضلوعي .. ببعدك ./ماتدانيني
وشف بالمحاجر ..[حنين] يجرح اهدابك
وشفها حروفي . بعد ما ..غبت ترثيني
مليت.. ادور بك.نفس واستنشق اتعابك
مليت اضمك ..وسط صدري وتدميني .
مليت اجي لك .. وله .. ويردني عتابك
وارجع بشوقي .. وحفنة جرح ..بيديني
مليت اموّت جفاك .. وقلبي يحيى بك
مليت .. اعيش التناقض بيني وبيني .!
مليت اسال طريقك . وين ودى بك .. ؟!
ويخنقني الصمت .. ويقتل كل مافيني
مليت اطيح ب/ تعب والعين ترقى بك .!
كن الحزن .. دم ..يسري .. في شراييني
تعال جبني / انا ضايع من غيابك ..
مليت .. اركض وراي و ما .. الاقيني