|
رد: ****طالبات مظلوماااااااات من حقهم****عميدة الكليه واستاذه نورةالزمامي وطالبات جم
اقتباس:
المشاركة الأصلية كتبت بواسطة pink dreamz
يعني انا بصراحة اشوف انه على هالحال ما في فرق بين كليتنا و المعاهد الاهلية اللي تعطي دبلوم في علوم الكومبيوتر
يعني ليش تعبتوا روحكم و دفعتوا اجار مبنى و فلوس كثيرة على طباعة الكتب بينما البكالوريوس هو المطلوب في سوق العمل و السبب امتلاءه بحملة الدبلوم من كلا الجنسين يعني اتخم سوق العمل
و غير كذا في بنات كانوا يبغوا يتخصصوا تخصص ثاني بس بسبب القانون المفروض علينا داخل بلدنا و هو الاخذ بدرجة اولى على رقم جنبه % مع انه مو مهم لان في البلدان الاخرى النسبة لا تأخذ بردجة اولى انما اختبارت القبول لانها هي اللي تحدد مستوى الطلب و الطالب و الحال داخل الجامعة يشهد كثير يتخصصوا في الكومبيوتر او الطب و لا يقدروا عليه و يطلعوا وهم من اصحاب النسب العالية بينما تجد في الطرف الثاني من نسبته منخفضة في الثمانين نقول بس قدراته و استعداته لهذه التخصصات و قدراته ليصبح طال جامعي اعلى بكثير من الحاصل على النسب العالية هذا من جهة
و من جهة اكمال الدراسة لحملة الدبلوم بصراحة النظام عندنا غبي و بصراحة لما اخبرت صديقتين لي وحدة لبنانية ووحدة بحرينية عنه بصراحة قابلوه بالسخرية و الاستهزاء لان معروف عندهم و عند الدول الاجنبية انه حامل الدبلوم يقدر يكمل دراسته لدرجة البكالوريوس في اي جامعة داخل البلد بشرط الحصول على المعدل المطلوب و يجتاز اختبار يحدد مستواه علشان يشوفوه كان يقدر يمكل ولالا و بصراحة لو يعلموا كذا علشان نكمل عادي ما فيها مشكلة مستعدين لاي اختبار و اي معدل تطلبوه
من جهة البعثات المخصصة لحملة الدبلوم بصراحة هذا مو حجة تحطوها لنا علشان نكمل لان المعروف ان الطالبات شرط اساسي انه يكون معاها محرم و مو كل الطالبات المتخرجات عندهم محارم متوفرين يسافروا معاهم للابتعاث
و كذلك انا كان ودي اتخصص تخصص طبي و لكن الحين اجلته لدرجة الماجستير او الدكتوراة لان كوني كنت طالبة علوم طبيعية في مرحلة الثانوية اقدر اتخصص تخصص طبي في الماجستير او الدكتوراة
و بصراحة شديدة اقولها انا ان اضطريت اني اخرج خارج البلد اكمل دراستي اعرفوها مو راجعة السعودية مرة ثانية يعني بكمل دراستي في البلد اللي بروحه و بتوظف و بطل الجنسية و بعيش في ذاك البلد لان ما في اي شي يغريني للاسف للرجوع داخل بلد يحسب قدرات و مواهب ابناءه بالارقام او خل نقول بصراحة اكثر بلد معدوم الثقة بأبناءه لدرجة كبيرة
بلدنا بس جامعات و كليات مظاهر فقط
و انا كنت حاطة موضوع في منتدى جامعة الملك فيصل الاساسي في قسم كليتنا اني بكتب خطاب موقع بإسم طالبات كلية المجتمع الى وزراة التعليم العالي للنظر في الحال و اعطاءنا حقوقنا لان في النهاية ما ضاع حق وراءه مطالب و لان احنا اصحاب الحق احنا الاحق بالمطالبة بحقوقنا مع ادارة كليتنا و عميدتها
و عذرا على الاطالة
تحياتي |
يعطيك الف عافيه ع المشاركه الحاره وتلبيت الدعوه
وانا بوقف معك بكل كلمه قلتيها صدقتي واايدك
بس انك تهاجرين طبعا مراح ارضى
وتسلمين ع طرحك للموضوعك المهم وانا اشوفه اهم موضوع بلمنتدى
وانا ان شاء الله بنزل خطابي بموضوع بلمنتدى لاطلعه ع البنات ونناقش ماينقصه وتعديله
تحياتي لك ولاتحرمينا تواجدك بينا
|