احتضن فيني وله لو طال به ذنب المسير
.....................ماحبى شوق الضما لزلال قـطراتـي حـبـي


لاوقف حرف القصيد اللي بالاول يستذيـر
...................طــاوعــت غـصـة حنيني تمتمات اليعربـي


آه يـامـر الحـكـايــا لاغـدى فـرحـي حـريــر
..................ودمعتي باطراف كمي شكلها الوافي غبي


الذكـا ياصاحبي بالوقت الاول والاخيـر
....................ماهي بطيب المراجل / ستر لفات العبي


الذكـا انـك تـكون انسان للحاجـه اسيـر
..................كل همك صيدة الدمعه من عيون الضبي


الذكا انك تجامل لاجل مصلحتك كثير
.....................وانك تصير الوحيد اللي يعارض مطلبي


تدري وشو مطلبي يااللي حسبت انك عـشـيـر
..................انك تحبن بدون احساس يسالك اشتـبــي


انـــك تحــب الوفــا وتشوف احساسه مثيــر
.................انـــك بطيبــك تشيــل هموم عرت منكبـي


لكن ادري ماانت يم الطيب لو باقي هجير
....................يطوي الرمضا ويسبي فيّ دمعاتي سبـي


الوكــاد انــي امارس حــق لكـنـه خــطيــر
..................اترجى دمعي الســامي علـى راس هدبـي


ينــزل ويـغـسـل بقـايـا ضـيقة الوقت العسيـر
................يغسل اللي باقي(ن) لك بين دمي وعصبي


صعـب لامـني بغيتك تؤمن بـ طرف(ن) سهير
...................وانت ليل(ن) كفّر احزاني وخالف مذهبـي


وصــعب اطلـب من جـنابك لقمة الحـظ الفـقـير
...............وانت تفتق جرحي الدامي وعرقي مشربـي


وصعب اعاند صرخة(ن) لجة على الضلع القصير
...........ايهبى وقت(ن) يذلتس واكذب احساسـه يهـبي


بـآكر تخونك وترجع تطلب الحب الكبير
.................. ولايهلي بك سوى طيبي وعزة منسبي