|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
مابقى من دفتر الوقت الصعيب
اورقه تفزع وفا من طيبها
حدتن شرهه صداها مايغيب
عن مسامع مااشتكت من عيبها
يحوي الوقت الردي مليون عيب
والليالي طايحه من شيبها
دعوتن مني عساها ماتصيب
غير كف(ن) همها مابجيبها
تسمع الدنيا من المدات طيب
وتنفي الفزعه بقايا ريبها
اثمرة دنياك وصل(ن) من حبيب
او قريب(ن) مادرى وش غيبها
وسرك اللي تدفنه وسط القليب
احسن ولا كلمة(ن) تسريبها
ناس(ن) وكل همها عذق الرطيب
تنشف من العزه وتخطي بها
سجدتك بينك وبين اللي مجيب
دعوة(ن) عند الفجر تحري بها
ابرك من الفانيه واللي تجيب
وابرك من الناس لو تدري بها
|