المشاركة الأصلية كتبت بواسطة الخير قدام

اذا كنت ممن يسرقون البلد أو المستفيدين من سرقة البلد فأنا والحمد لله لا تنقصني أموال
أمثالك.. الأمن والأمان اللي تتكلم عنه مهدد اليوم بامور كثيرة منها مشكلة البطالة والاسكان والفقر اللي سببه اهدار أموال الدولة

أنا شخصيا أقول لك ما ينقصني شي عدى السكن لكن علي قرضين وأنا في أغنى بلد في
العالم!! وبعيد عن المستوى الشخصي شف الناس من حولك وشف وش قد تعاني ناس تشتغل بـ 1500 ريال 12 ساعة أو 8 ساعات في اليوم ولا توفي رواتبهم لعشرة أيام هذا ما يهدد الأمن؟ السرقات لها اسباب وهذا من أسبابها

خريجين جامعيين وخصوصا في سلك التعليم وجالسين، طيب اذا ما فيه وظايف وفيه تشبع
في قطاع معين ليه يقبلون طلاب جدد؟ وحنا بلد فيه حوال 7 مليون أجنبي ومعدل البطالة مرتفع ليش؟

المسجونين بدون محاكمات ما يهددون الأمن؟ الناس ذي لها عوايل معتمدة عليها ولا يرضيها
بقاء ذويها في السجون بدون محاكمات أو بدون تهم أو بتهم ملفقة؟

وأنا شخصيا تهاوشت مع أحد العسكر في يوم وقالها لي بالحرف الحين تركب معنا وهناك تطلع سكران ومروج وكل اللي اللي نبيه!! اضطريت وقتها أجاريه ولما عرف وين أشتغل-عشان الواسطات- عطاني رقم جواله واسمه وللحين موجودين عندي

ولا تحسب كلامك السخيف هذا دليل حبك للبلد هذا دليل على الجهل الله يجيرنا