الحمدلله على عودة ملك القلووب
والله يوم شفته يمشي دمعت عيني من الفرحه عسى الله يطول بعمره
اما على موضوع المكرمات بسراحه تحطمت موب هذا الي تئملناه
صحيح انها موضوعه ومدروسه من قبل البطانه هو اللهم جاء ووقع فقط
لكن تمنينا انه يزيد من عنده شوي
مجملنا جميع المكرمات الي جت لاتعالج مشاكل الشعب السعودي الي تنحصر مشكاله في ثلاث امور الا وهي البطاله والفقر وازمة السكن
يعني لو جينا على تثبيت 15 بالميه الي ذلونا عليها مره يثبتونها ومره يمددونها سنه تراها ماترفع راتب المتقاعدين والناس المحتاجه الا مايقارب 157 ريال يعني ماتجي عند زيادة الرز لحاله
ولو جينا عند قرار دعم صندوق التنميه والاسكان لنا كم سنه وحنا نسمع دعم له ولاكن لاشي على ارض الواقع كل 3 شهور تنزل نسبة ضئيله يعني مافيه شي جديد يبيلك 25 سنه عشان ينزل قرضك الي هو مايجي ربع قيمة الارض للاسف
ولو جينا للبطاله بس صرف بدل بطاله لمدة سنه فقط وش تسوي طيب وبعد السنه ؟!
هذا اذا صرفو له بدل زي الناس بعد *_*
واسقاط 2 اقساط من المقترضين من البنك التسليف بما يقارب يعني 1500 وانت عندك قرض فوق 250 الف وش بيسوي يعني
واعفاء عن المتوفين <طيب شخص متوفي شلون بيسدد شنو الجديد يعني؟!
وضم المبتعثين بالخارج على حساب الدوله <طيب هذا شخص يدرس على حسابه يعني موب محتاج لو محتاج مادرس برى على حسابه يعني ضميته او ماضميته ماتفرق عنده
طبعا دعم الانديه هذا لاتعليق !
كنت متئمل زيادة بالرواتب او مثل ماسوى الملك للاردن انشاء 700 وحده سكنيه مؤثثه وتوزيعها على الاردنيين خلال 8 شهور بس
لكن مانقول الا شوفتك تكفينا يابومتعب وهالقرارات هذي حاطينه الربع عشان ماتكلف على الدوله شي
لحد يقول اني متشائم لكن هذي الحقيقه
تحيااتي لكم..