|
رد: للي عنده سؤال او استفسار او طلب اومشكله يتوجه لهوون "
اقتباس:
المشاركة الأصلية كتبت بواسطة مدآم نفيخه
اول شي يعطيك العافيه على مجهودك الروعه
ثاني شي عندي كم سؤال
انا مستوى اول توني مقبوله بالدفعه الثالثه وللحين ماوصل لي الرقم السري
وابي اعرف وش سالفه البنر ادري انه اللي تسجلين فيه المواد لكن متى اسجل موادي وهل اسجلها كلها ؟
مع العلم ان اخواني وصلت لهم المحاضرات من غير مايسجلون المواد بالبانر لأن البنر يقول غير متآح
وكيف بعرف مواعيد الحاضرات المباشره ؟
والواجبات هل لها وقت محدد والا يوم كامل مثلا
لأن لو وقت محدد معناته بسنتر على النت 24 ساعه والا بس بالفتره الصباحيه؟
ادري طول عليك بالاسئله بس توني جديده على المطور واحس اني محيوووسه بقوه لدرجه اني تمنيت ماسجلت فيه
ياليت تفيديني وعشان اتطمن وما انحاس الحوسه اللي انا فيها اللحين :(
|
اهلين يالغلا
مبروووك القبول
عادي الرقم راح يوصلك بإذن الله
بس شوفي هالرابط وحملي المحاضرات واذا جاك الرقم كملي الباقي تابعيه بالبلاك بورد
http://www.ckfu.org/vb/t151521.html
البانر لتسجيل المواد اللي بمستوى ثاني فما فوق اما مستوى اول مافيه تسجيل لان المواد 5 إجباريه يعني الجامعه تلقائيا تسجل لكم المواد
المحاضرات المباشره عددها 2 بالسمستر لكل ماده سوف ينزل لها جدول بموقع الجامعه
الواجبات اكيد لها وقت وراح يحددونه اذا انزلت الواجبات راح يبين القرار لانه يقولون بيصر قرار جديد بخصوص الواجبات والمشاركات
هههه لا تسنترين اكيد المهله طويله يعني يمديك تحلين وتسلمينه بالراحه
والله تساااااااااااهيل فوق ما تتصورين كلنا كنا كذا حوسه بس ربي يسهل ان شاء الله
واذا تابعتي المنتدى راح تتضح لك الرؤيه وأي استفسار انا في الجوار 
|