أغفر لي هالذنب واغفر كل زلاتك

الغيرة اعمت عيوني وانت تدري بي
..

ابتغلى عليك وطول سكاتك

ورديت لك غصب مارديت من طيبي
..

أغار وازعلك واشفق لضحكاتك

ضيعت ماعاد اميز وش مطاليبي
..

شف حالتي ما بقى لي غير شوفاتك

مجبور انا فيك لو غيرك يهلي بي
..

اقرا خفاياك لاطالعت نظراتك

واخاف قطع الرجا يا مبيح غيبي
..

عطني أمل لاتقول الركب قد فاتك

بعض المطر يسبقه عج ولواهيبي
..

حلوه عيوبك وانا عشاق غلطاتك

وعشقت شيبي لأنك مظهر شيبي
..

تبي الصراحة عليك اغار من ذاتك

اغار .. واغتاض .. هذي هي عذاريبي
...