مجنون جزئيًـا وباقـي بالعقـل جـزء ٍ قليـل
يالشعر يلحسّ مخي ياأنا اللي مخّـه بلحسّـه
من الطبيعي الطلاسم تظهـر الواضـح جميـل
والشعر ماهو شعر لو ماحال الشاعـر متعسّـه
يقول عني صاحبـي مـرات فهمـي مستحيـل
يعني معقد صعب ولازم التحـق فـي مدرسّـه
والمدرسـه أستاذهـا خايـن ولقـبّ بالعميـل
يهرب من التاريخ وشرحه لين يأخذه أجرسّـه
هو يحسب إن الفهم أقرى وأحفظ أكتاب ٍ طويل
مايدري إن أكتابنا خلاصتـه فـي .. فهرسّـه
درس الحياه أفضل دروس المعرفه لكـل جيـل
والتجربه أكبر شهاده مـن علـوم القرطسّـه
ماني مثقف حيل لكن .. فـوق نسبـة الهبيـل
عاطل ولاأعمـل ويعنـي خبرتـي بالهندسّـه
أعرف بأن الأرض شكل الدائـره بالمستطيـل
تشبه لشكل البيض لكن !!. فرخ البيض بيفقسّه
يعني يجوز بيوم يطلع فرخ لكـن لـه صهيـل
والمشكله ماهي بصهيل الفرخ لاباض .. أفرسّه
وأعـرف بـأن الأرض فيهـا جاذبيـه للثقيـل
بس المطر كيف يتساقط مابـه شـي ٍ يترسّـه
وأعرف بأن الحيط لو علقت به صـوره يميـل
لازم تحط الحيط ع الصـوره وتحـذر تلمسّـه
وأعرف بأني شخص قاتل من يسمـى بالقتيـل
حتى أنا قـد مـت مقتـول ٍ بريقـه وأنفسّـه
كثير أحسب كم عدد في راسي أشجار النخيـل
وكل يوم يزداد العدد وسنينـي اللـي تغرسّـه
تعبت أجمع هاجسي بأمواج من بحـر الخليـل
بحر الخليل اللي ورى سور الحنايـا محبسّـه
أحطني هنا وهنـا وأرجـع ألملمنـي وأشيـل
وأنسى بعض مني تناثر فـي دروج الهلوسّـه
فوضى الشفايف أبدعت في كذبها بحروف قيـل
والحوت محد ٍ عاش فـي أعماقـه إلا يونسّـه
ياكثر مايجهل سراج ٍ يشتعـل صبـر الفتيـل
مثل التجاهل فـي بيـادر ياسميـن لنرجسّـه
أرض الكنانه نهرها عذب ٍ ويبقى الأسم ( نيل)
توت الشراب الحلو سمّم في حلاتـه بيّبرسّـه
شفت إني واضح ياكريم العرف ولايخدم بخيـل
أفتح صناديق الذهانـه وأكـرم اللـي مفلسّـه
ياصاحبي بقول لـك حاجـه وبعطيـك الدليـل
طربوشي اللي فوق راسـي أبمزاجـي البسّـه
في واقعيتنا ترى كل شي أساسي ولـه بديـل
يعني معي تضرب شرف وإن كان غيري تبوسّه
لاينرفزك سيف الحقيقه لو طعن صمت الذليـل
أنطق بإذنك وأترك السـان المهابـه لأخرسّـه
مؤمن بأني هايم بـوادي علـى قـول الجليـل
فلا أحد يتبعني غاوي لو أجـي فـي مجلسّـه