|
رد: 000 ديوان الشـآعره عــآبرة سبيل رحمهـــآ الله 000
لا..قال ردي لي ولا.. قال روحي
لا .. هو مريحني ولاهوب مرتاح
يغيـب ويعـود يفتـق جروحـي
واذا استجد الجرح لوح لى وراح
واضحك واجامل وادعي بالفروحي
وبداخلي نار.. وتجاريح وصيـاح
واحاول اخفي جروحـي بروحـي
واخيط جرح وتنفتق عده اجـراح
وان قربت دمعات عيني تفوحـي
الله اكبر ، صار لي قلـب مـزاح !
جيتك من الفرحه على مهره الشـوق
تسبقني الخطوة على الـدرب قـدام
جيتك ولا ابالي ولو يطلـع العـوق
جيتك وانا شوقي موزعنـي اقسـام
لا..لا تهمك ناس ماتعـرف الـذوق
يسرون تال الليل والصبـح صيـام
ياعم لا منطـق ولا فيـه منطـوق
بعها ، ترانـي .. بايعتهـا للاعـدام
اخذ الرطب قول النخل يتمر غـذوق
خيب رجا اللي يرتجونه مـن العـام
واضرب على الكايد ان ماجاب برفوق
مليت انا ويـاك مـن عـدم الايـام
ليته درى صبحيه العيد وش صار
ياهي جرت لي من عذابي هوايـل
يوم العذارى يبحن بعض الاسـرار
وجت السوالف بين قيـل وقايـل
هذي معايدها قبل وقـت الاسحـار
وهذيك صاحبها عطاهـا رسايـل
وهذي تقول انه لفـا البيـت زوار
وهذيك راحت لـه زيـاره عوايـل
وهذي تفاخر في غلا الصاحب البار
تقـول عايدهـا بكـل الوسـايـل
وانا اطالع فوق ويميـن ويسـار
بالعيد ماحتـي مشطـت الجدايـل ~<آآآآآآآآآهـ 
باكر يجي .. ياشيب عيني من الويل
من عقـب ماسافـر سنيـن مديـه
ش اقوله .. صاروا عيالي رجاجيل
ش اقول له ؟ .. ماني بعهده وفيـه
ان قلـت لـه تعـذبـت بالحـيـل
وان قلت له اكبـر عيالـي سميـه
يبي يعذرني ويترك القـال والقيـل
والا يـجـي ويازمـانـي علـيـه
وان جبت حظي والمقاديـر تعليـل
واني ضعيـف ورغبـه الله قويـه
يبي يصـدق كلمتـي دون تحليـل
والا يبـي ينسـف كلامـي عليـه
ش قوله لـه ؟ ماينفعـن الاقاويـل
مادمـت مانـي بعـهـده وفـيـه ~
|