|
رد: 000 ديوان الشـآعره عــآبرة سبيل رحمهـــآ الله 000
له موعد(ن)لاروّح الليـل ويـاي
أول وآخر موعـده مـع فتاتـه
اليوم ماتنفع دموعـه ورجـواي
اليوم تفصل عن حياتـي حياتـه
اليـوم يعطينـي بقايـا بقايـاي
وأعطيه أنا ماشلت من ذكرياتـه
اليوم بابـدّل مشاعـر حنايـاي
يصبح من أخواني وأنا من خواته
اليوم يتركنـي لحالـي بدنيـاي
مجبور يقفـي لويزيـد التفاتـه
اليوم يخلف عن مماشيه ممشاي
والله ماضمن من عذابـه نجاتـه
لو أتعلـق فيـه ماينفـع بكـاي
خلاص فات الوقت وأعلن فواتـه
اليوم بعطيه العزا عقب فرقـاي
عندي خبر وش قيمتي في حياته
وانا العزا مابيه من كبر بلـواي
ماينفع اللي عاش وأعلن وفاتـه
يارحمة الله ساعديهـم بسلـواي
يعوضـه الله بانكسـار امنياتـه
اليوم ياهمي وياطـول مسـراي
ويافرحة العذال وأهـل الشماتـه ~
ياما على نفسي بالأحـلام كذّبـت
وياما صبـرت وصبرنـا مانفعنـا
وياما..وياما من وداعـه تعذبـت
وياما نحـاول نفتـرق ماستطعنـا
كم مرت(ن) ودّع وكم مرت(ن)غبت
وكم مرت(ن) عقب الوداع اجتمعنا
ياما توادعنـا وشـرّق وغرّبـت
ويوم التفتنا فـي بعضنـا رجعنـا
لاقـادره أنسـاه مهمـا تهربـت
ولامعتـرف فـي حبنـا مجتمعنـا ~<
قال اسمعي..فرقاك غصبـن عليّـه
عيا الزمن يمشي معانـا بالأوفـاق
وقفـت لاميتـه ولانيـب حـيّـه
تضاربت بالجوف ضيقـه وحـراق
وقال:الرسايل وينها؟؟..قلـت ذيّـه
وللريح عرضت الرسايـل والأوراق
رزيـت نفسـي واتظاهـر قويّـه
يعنـي كأنـي ماتأثـرت بـفـراق
أنا عـذاب الكـون صـوّت عليّـه
أضحك بسني واختم الضحك بشهاق
ماكنت أظن الليـل يمسـي عليّـه
ولاكنت أظن تعوّد الشمس بأشراق ~
|