|
رد: 000 ديوان الشـآعره عــآبرة سبيل رحمهـــآ الله 000
هذه القصيده رد على قصيدة (( أنا بدوي ))
لشاعر:- الاميــــر بدر بن عبدالمحسن ..
تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبس موضـة ومسحـوق
انفض غبار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفتـوق
تنطـر جديـد الثـوب بالعيـد ياتـي
سمعت طرف اخبار عن كلمة السـوق
وتاخذ وتسـأل هـو وجـوده ثباتـي
طفله سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهـم مشمـلاتـي
واتلا عهدها فيـه يركـض ورا نـوق
مسرود جيب وفـي يدينـه عصاتـي
ويصد لكن يلتفت لـي مـن الشـوق
عجـلان يلخصنـي بعيـنٍ تحـاتـي
وقفـي وخطواتـه يتلـن معـلـوق
وخلانـي ماتنقـل عظامـي عباتـي
ودار الزمان ولا مشي الحـظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله موعـد وفـاتـي ~
هذه القصيده موجهه لشاعر الكبير الكويتي طـــــــــلال السعيـــــــــد ..
عندما احتجت الشاعره الكويتيه:- عابرة سبيل على كلمة .. طلال .. عندما قال انا ..لاجي .. بسبب
الغزو العراقي على دولتي الحبيب الكويت ،,
باعلن على كلمة طلال احتجاجـي
طلال يكفينـا تجاريـح يـا خـي
ما انته بلاجي لا ما انتـه بلاجـي
تكفى تراها كلمـة تذبـح الحـي
قل ضيف قل زاير لناس هجاجـي
وبكره نرد وكن ماصار بـه شـي
خلك على ماقيل في بـرج عاجـي
لو تحترق كل البشر في داخلي في
شفني وشف حالي وقل ابتهاجـي
عقب انقلاب الحال وش صارير في
من أول كيفـي وحـره ومزاجـي
واليوم ماعندي من اللي مضى شي
مديت كفي للعطـا وطـاح تاجـي
وبعض المبادي دستها تحت رجلي ~
لله ابشـكـي (حيـرتـي ) لله رب العالمـيـن
وامد له كفـي (دعـا) يالله عفـوك ياجليـل
يامنتهى (الشكوى) إله العابديـن الصابريـن
يالله (عونك0فزعتك) همي على قلبـي ثقيـل
جتني (رساله) نصّها ياعابره (حزن وانيـن)
مع(تجربه)مضمونها فيه النتايـج والحصيـل
في شكلها الظاهر (غطا) وفالباطن المعنى الدفين
وفي (حبرها) تلميح لايمكن يصير المستحيـل
وانا حقيقه ماعرفـت شلـون ببـدى ياحنيـن
مدري ابديّ كلمتي أو الزم الصمـت الفضيـل
لا جيت ابتكلم لقيت الوضـع قاسـي مايليـن
وان جيت ابسكت مالقيت علاج للقلب العليـل
لاكنّ (عزايه) مامعي سلطه ولاعندي ضميـن
ولااقدر اميّل ماعدل ولاقـدر اعـدّل مايميـل
ماعندي الاّ (كلمة ٍ) فيها العـوارف خابريـن
القاع لاصارت دهـر (يابدو)يازيـن الرحيـل
وخلافها (سلامتـج) والله علـى الدنيـا يعيـن
والصبر عنوانه(فرج) والغيـث لابـده يسيـل
ويامنتهى الشكـوى إلـه الصابريـن العابديـن
لاحارت افكاري ترى مالي سواك انت الدليـل
اخر قصايد عابره سبيل ترثى نفسها بقصيدة مؤلمه ومحزنه جداا كتبتها بخط يدها اثناء مرضها
تخاطب فيها زوجها وابو عيالها وهو كل ماتخرج من المستشفى يذبح لها ذبيحه
تـرى الذبايـح واهلهـا ماتسلينـى
وانا ادرى ان المرض لا يمكن علاجه
ادرى تبى راحتـى لا يابعـد عينـى
حرام ما قصرت ايـدك فـى حاجـه
اخـذ وصاتـى وامانـه لا تبكينـى
لو كان لك خاطر مـاودى ازعاجـه
اابيك فى يديك تشهدنـى وتسقينـى
وامانتك لا تجى جسمى فـى ثلاجـه
لف الكفن فى ايديك وضف رجلينـى
ماغيرك احد كشف حسناه واحراجـه
ابيـك بالخيـر تذكرنـى وتطرينـى
اجيرنى خالقـى مـن نـار وهاجـه
سامع على ماجـرى بينـك وبينـى
ايام امسـى عـدل وايـام منعاجـه
عيالى همى وانا اللى فينى يكفينـى
علمهم الديـن تفسيـره ومنهاجـه ~
وهـــــــــــــذا قصيدة رثاء زوجــــــهـــــــا :
حاولت انام وحاربت عينـي النـوم
وجريت صوت مثل صوت الذيابـه
الجفن كنه صار ضايـق ومهـزوم
ودموع عيني مثـل رش السحابـه
على وليف قالـو اليـوم مرحـوم
فـارق وراح وماتهنـا بشبـابـه
زرت القبور اللي على بعضها رسوم
وخطيت رسم فوق ذيـك النصابـه
قلبـي مـن الدنياعليـه مرسـوم
والرسم توه عقـب خـط الكتابـه
احبها مير القـدر صـار مقسـوم
ويحبهـا كـل الاهـل والقـرابـه
الموت اخذها واودع القلب مكلـوم
جـرح عميـق مايـداوي صوابـه
الموت اخذ شجعان وارخوم واقروم
واخذ رسول الله وباقـي الصحابـه
|