|
لا قلـت لـك خلـنى تكفـى تخلينـي ...
لا قلت لـك خلنـي تكفـا تخلينـي
النفس ضاقت وتعرف من مضيقهـا
ماني بحاجة علوومك لـو تسلينـي
بعّد عن العين واحسن لو تفارقهـا
لا ضقت انا حتى روحي ماتدانينـي
اليا يهدا البـال غربهـا وشرقهـا
لو كان غيرك حرام انـه يحاكينـي
لو كان كل الدروب البيض يطرقهـا
تدري وش الي ذبحني والبلا فينـي
تعرف عروق الغلا وشلون تسرقها
يمكن تكون الخيانه مـن شراينـي
والاحظوظـك يجـوز الله موفقهـا
ما قلت لاحدن سوا امي يابعد عيني
وشلون خليتنـي لعيونـك انطقهـا
ياروح روحي ياقلبـي يابساتينـي
يابسمه العين ليه العيـن ترهقهـا
والله من زود حبك صنت رجلينـي
ما شفتني يوم اسوق الرجل وافهقها
انا بصفك واضيع وانشـدك وينـي
وشلون لا رحت جدراني اصفقهـا
ماتدري اني شريتك يوم تشرينـي
عشان حبك ابيع الخلـق واحرقهـا
ارجوك لاشفتني ضايـق تخيلنـي
والا يا هدى ابال غربها وشرقهـا
|