|
رد: third year english student second term
السلام عليكم ورحمه الله وبركاته
حبيت اخبركم ان الاشتراك وتسليم المبالغ لام صالح عندي مثل الترم الي فات
المواد هي
شكسبير منى
شعر فوزيه
نثر صباح (مش لميا)
مسرح بتول و منى
وبناء على تجربتي السمستر الي فات حبيت اخبركم بكمن شغله علتني عل اتمنى ما تكررونها السمستر هذا
تجيني وحده تقولي قولي للي اتفرغ اتسوي كذا وكذا وكذا
طيب ممكن سؤال يلي قلتيلي كذا
التفريغ اشلون يوصلك ؟؟
عن طريق الايميل صح
يعني انتي مضافه عند ام صالح صح
وتتواصلين معها صح
طيب بما انك مضافه عندها تواصلي معها دايركت وقوليلها الي تبين ليه تجيني تقولينلي كلامك وانتي عندك القدره انك تقولينه
بنات انا وراي ميه شغله وشغله ماني قاعده اشتغل مرسال
انا اخذ اسمك واخذ المبلغ واوصله وانتهينا هذي شغلتي
ومو شرط اقول لبنت ان شاء الله بقول الكلام لام صالح اني اروح واقوله لاني نساااااايه درجه اولى .gif "(177)")
شغله ثانيه
تجيني وحده تقول السعر غالي قوليلها اتخفض السعر
اسويلكم تخفيضات انا مثلا؟؟؟
هذا السعر مو من عندي من عند الي اتفرغ
فنرجع للنقطه الاولى مو عاجبكم شي قولولها هي دايركت انا ماااااااالي دخل
تبيني انا ادفعلك الفرق يعني ولا ايش؟
وبعدين لو وقفتوا دقيقه وحسبتوها ميه ريال على سمستر كامل يعني كانها 7 ريالات ونص لمحاضره تجيك كامله ومكتوبه بالكمبيوتر
يعني سعر اقل من كذا ماتوقع فيه غيرها ياخذ 600 ع الماده 
والي تقول ميه ع الماده سهله بس لو باخذ اربع مواد صعبه
ترا مو مشكلة الي اتفرغ اذا انتي طالبه منها 57 محاضره (14 محاضره لـ 4 مواد لـ سمستر كامل)
زي ما انتي تبين محاضراتك كامله وواضحه هي تبي حقها بعد
وهي قايلتلي بنفسها الي متضايق من سعري او يبي يهضم حقي بانه يشترك مع بنات ثانين على انه وحده الله يوفقه بقروب ثاني مع المصاريا
الي تقول المحاضرات تتاخر
ياعمي للمره الالف سجلواااااااا معنا محد راضي يسجل
البنات الي يسجلون متى مافضوا ارسلوا كل المحاضرات مع بعض فالمحاضرات تتجمع وتتراكم على بعضها يالله توصل للي اتفرغ
لكن لو كان فيه مجموعه اتسجل بتكون العمليه اسهل
وحده انشغلت عن ارسال المحاضره الثانيه ترسل وهكذا
بس لا حياة لمن تنادي
تعااااااااااونوا بليـــــــــــــــــز
هو الكلام الي بالاحمر متناقض ولا يتراوالي ؟؟.gif "(269)")
والي تحته خط قصه ثانيه صاحبه المشاركه تعرف قصدي فيه
عموما الفكره وصلت
تبون التفريغ جاهز اول باول تعاونوا الله يسعدكم معنا وسجلوا
ماتبون اتسجلون انطروا التسجيل والتفريغ متى ما وصل وصل
وسلامتكم
اتمنى ما تزعلون من كلامي لكن من حره الي شفته والله
نجي لاماكن تواجدي
سبت : شكسبير منى - نقد نجلا
احد : مقال (كلاس الساعه 10) - عربي
ثلاثاء : ترجمه سلوى - لغويات نسرين -نثر صباح
اربعاء : مسرح بتول - شعر فوزيه - اخلاق نسيبه
واحتمال اوقف تجميع المبالغ والقروب يقفل قبل المد تيرمز لانه اندووووووووووش راسي السمستر الي فات البنات يبون يدفعون الى امتحانات الفاينل
يعني معليش انتوا اتشوفونها انه وقت ما انتوا فاضين بتدفعون بس انا اشوفها مسؤوليه
فبقترح لام صالح واقولها قبل المدز باشوي خلاص ماراح استقبل مبالغ علشان افتك وارتاااح .gif "(107)")
ادري ثقلت عليكم بالحكي هالمره بس ادري بتسامحوني 
برب ولي رجعه حبايبي
|