|
رد: اللي يستحي لايدخل للموضوووووع!!!!
شمعة أمل موضوعك حلوو ..
أنا أحب الظلام والهدوء لأني بس احط راسي على المخدة أرووح عالم ثاني ..
عام الخيال أفكر بروايتي وأتعمق بخيالي وأتمنى لو أني أعيش معهم وكذا ..
وبعدين أفتح اللاب توب على الرواية اللي أقراها وأجلس اقرأ وأعيش الخيال معهم وأتمنى لو أعيش معهم مثل روايتي وطبعا مرات كثيرة أبكي وأبكي وأبكي على فراق العشاق وإذا اجتمع الحب بالزواج وإذا البطل صار له حادث وأحيانا مواقف حلووة أقراها وأبكي لين ما تخلص دمووعي ..
أحيانا أختي تنام معي وتصحى تهاوش وتقوولي هبلة ووووالله يخلف عليك وأنا بس أبكي ما أرد عليها وترجع تنام ..
وأمي الله يحفظها متعودة لازم كل يوم تمر علينا بغرفنا من نام ومن ما نام وتغطينا إذا مو متغطين يعني قلب الأم ..
أنا أول ما أحس ان أمي جاية على طوول اسكر اللاب توب واحطه تحت البطانية واغطي وجهي وأسوي نفسي نايمة طبعا هذا إذا كنت أبكي عشان ما تسألني وش فيك تبكين ؟؟ أحس مدري وش تقول عني إذا عرفت اللي أبكي عليه ..
وطبعا أكثر من مرة تطيح علي ولما تسألني وش فيك تبكين ؟؟ أقولها وأنا أمسح دمووعي .. تذكرت جدتي الله يرحمها .. لأنه ما فيه شيء ممكن أبكي عليه غيرها الله يرحمها ..
وأحيانا أكوون أكتب رواية بس الأكثر أقرا وحتى الكتابة لازم دمووع وأحاسيس وعالم خيالي ..
|