حبيبي دون ما أدرك عشقتك والهوى غلاب
سحرني صوتك الخاثر وأفضى القلب مكنونه
وسافر خافقي يمك لاخايف ولامرتاب
يسوقه لك عظيم الشوق يالي زلزل ركونه
أحبك إيه أنا أحبك ومنّك خافقي ماتاب
تعلق في حبال العشق تغير حاله ولونه
أسرني كل شي فيك حبك داخلي أنساب
تغلغل في شراييني ونسى خافقي كونه
ورد البسمه لدنياي جرحي في يدينه طاب
وفارق خافقي همه وعاش بظل مظنونه
لقيت بعالمك نفسي وحسي في يدينك ذاب
شعلت الجمر في جوفي والأشواق مجنونه
على درب القدر كنا قلوب مفككه أغراب
غريبه تلتقي صدفه غريب وتسكن عيونه
ويجمعنا القدر قلبين عل جسر الغلآ أحباب
وصرت أنت الغريب إلي أضيع بدنيتي دونه