ملتقى طلاب وطالبات جامعة الملك فيصل,جامعة الدمام - عرض مشاركة واحدة

سلطان الصقر · #1 2011- 3- 3

ألأمل عشتـه وشفتــه بالخيال**بارقٍ نـوره على الظلمه يلوح

بارقٍ نوره على روس الجبال**به عبيرٍ من سنــــا المزنه يفوح

هي كــذا الدنيا ولاتبغي جدال**شفت إجابات الزمــن فيها وضوح

كنت أظن الصبـــح بالنـــور أستحال**لين شفت النور بالظلمه يروح

شفت معنى الصـــدق بالسحــر الحلال**وشفت كيف الحلم يبني له صروح

وشفت كيف (البنت لاحبت) مجال**تغرق الدنيــــا عصافير ومزوح

وشفت كيف الحــب لو فيه إحتمال**بلسمٍ يبــري عن الخافــــق جروح

ماتوقعتك كــــــذا (كلك) جمال**غيمةٍ هلت بعد وقتٍ شحوح

والمقام اللي شــرح وضع المقال**يرسم دروب الغلا قلبٍ وروح

والإجابه قدرها قدر الســؤال**كلمة الخافق من أشعاري تبوح

سلطان الصقر