2011- 3- 3
|
#7
|
|
مشرف منتدى مدونات الاعضاء سابقاً
|
رد: هل حضور المحاضره المباشره ضروري ؟
دنيتي كلها وفاء
وعليكم السلام ورحمة الله وبركاته
حياج الله معانا في المنتدى وفي الجامعـة ,
راح أقسم الرد على كل تساؤلاتج علشان تكون الأمور كلها واضحة لج  ,
اقتباس:
المشاركة الأصلية كتبت بواسطة دنيتي كلها وفاء
اولا:
اليوم كان عندي محاضره وراحت المحاضره المباشره وانا احاول ادخل ماقدرت يعني طارت الطيور في ارزقها وانا جالسه احاول وخلصو الناس ولا دخلت مدري ليش؟
وبكرى عندي ثلاث محاضرات مباشره ومتوهقه اخاف يروحون علي مثل الي فاتت اذا فيها درجات المباشره ... ادري ولا درجه باخذه من الحوسه بس ان شاء الله تكون درجات حتي على المسجله.. |
المحاضرة المباشرة ضروري تدخلينها إذا كان عندج إستفسار أو أسئلة عن المنهج أو المقرر بشكل عام ,
لأن أغلب الدكاتره مثل السراب , صعب التواصل معاهم !!
أما إذا ما عندج أي شيء مهم لا تربطين نفسج فيها , وتقدرين تحملين التسجيل وتشوفينه في أي وقت ثاني ,
ولا تحاتين شيء بخصوص الدرجات , لأن درجة حضور المباشرة = درجة حضور تسجيل المباشرة .
[line]-[/line]
اقتباس:
المشاركة الأصلية كتبت بواسطة دنيتي كلها وفاء
ثانيا:
ليه المحتوي يختلف عن المحاضره لاني فتحت المحاضره المسجله والمحتوي مو مثله بعض وهل االاوراق اللي يشرح عليها الدكتور اقدر اطبعها او لا؟ في محاضره الفديو؟؟ |
المحاضرة المباشرة المسجلة أغلب الوقت يروح على إستفسارات والرد عليها , قليل فيها الشرح ,
وأما المحاضرة المسجلة فـالدكتور متفرغ للشرح وتوضيح منهج المقرر في محاضرات منفصلة ومتتابعة ,
ونعم تقدرين تطبعين الأوراق اللي يشرحها الدكتور ,
والإخوان والأخوات اللي في المنتدى مو مقصرين من هالناحية , وكل الملازم والمذكرات ينزلونها أول بـأول  .
[line]-[/line]
اقتباس:
المشاركة الأصلية كتبت بواسطة دنيتي كلها وفاء
ثالثا:
تنزيل المحاضرات المسجله يكفي على الجهاز حتي لو مااستمعت لها وهل تحسب لي درجه |
من باب الإحتياط إعملي الشغلتيـن , إسمعيها وحمليهـا علشان تضمنين الدرجه كاملة ,
والنظام له سوابق معانا في الكورس اللي طاف , وما أتمنى هالشيء يتكرر معاج .
[line]-[/line]
اقتباس:
المشاركة الأصلية كتبت بواسطة دنيتي كلها وفاء
ورابعا:
انا جالسه اكتب المحاضرات كتبت بس محاضرتين خلصت دفترين كاملت ولحد الان مافتحت باقي المحاضرات هل كذا صح علي او بس اتعب نفسي على الفاضي ريحوني الله يريحكم دنيا واخره؟؟ |
وليش كل هذا  ؟!!
الحمدلله المنتدى موجود فيه كل شيء تحتاجينه يخص كل المواد اللي إنتي مسجله فيها ,
لا تكلفين على روحج وتكتبين وتتعبين نفسج , جمعي ملزمة المادة أو مذكرتها وإطبيعيها وإشتري راحتج .
[line]-[/line]
بخصوص خامسا .. إن شـاءالله وحده من الأخوات اللي معانا في المنتدى تساعدج باللي تحتاجينه ,
وأما سادسا .. لا تقولين هالكلام افا عليج و إنتي زميله لنـا ولج علينا حق الزماله  ,
أتمنى لج التوفيق .
|
|
|
|
|
|