ابطيت اخيل البرق يا [ بارق الياس ]
واليا تعدت قلت مـ الله ومرها




من كثر ماعديت في راس نبراس
اتبع بروقك وأتخبّر مطرها





ماكني الا في صحاريك عساس
عسى سحاب الصيف يسقي دهرها





اضمت مطايا الشعر يا { قاسي الباس }
ومع دربها الوبال يتبع اثرها






هيجنت لـ الهوجاس .. و ابليس ... و الناس
ماتدري ان الله روحي صخرها





على غلاك اللي بلا حد و قياس
بين الرجا و الياس روحي حصرها





لاتصنعين الشوق ...! بـ عيون جساس
من دون ذنبٍ دووك عيني دمرها





غادي و أدور في صحاريك نسناس
النفس طابت يامسبب كدرها






في حزةٍ فيها المعاليق يبّاس
هاضت قريحة شاعرٍ ماعسرها





عنّ الخيال وحام فـ الفكر قرناس
عينه على افكارٍ توخت حذرها





سبوقه المسباح و الارض قرطاس
حول بها والقاع ضاق بـ نظرها





وترجمتها بـ الشعر من قلب و احساس
وهي كلمتينٍ بس و بـ أختصرها





العبره اللي تعترض بين الانفاس
ياليتها مثلك عطتني ظهرها












.




للعذب : ناصر الحريص