|
هل العيــب فينــا ..
السلام عليكم ورحمة الله
أولا جمعه طيبه ع الجميع ..
ثانيا :اخواتي دايم عندي استفسار عن المعيدات والدكاتره وكل مره اسأل نفسي بعد ماتجي الاجازه
معقوله هالمعيدات والدكاتره ماينسون معلومات الي يدرسوها يعني اخبر لمن سألت معيده أبدا ماعرفت تجاوبني عن معلومات قديمه جاوبتني بطريقه ماتليق (كـمعيده فيزياء)
حسيتها مو عارفه كيف تشرح لكن لو إنها طالبه تلقينها تتذكر المعلومات القديمه هل معقوله ماتنسى المعلومات الي يقولوها الدكاتره لها
أدري ان آفة العلم النسيان بس ودي ادرس شي يثبت براسي تصير بس نآآآدر وقليل مره الي اذكره والباقي فرومات للمخ مافيه ولا شي يبقى كأني اسوي تفريغ عشان يتعبى من أول وجديد للترم الي بعده وهكذا ..
انا ودي اغير من نفسي ودي يكون عندي معلومات وخصوصا أحب الماده العلميه زي الفيزياء لمن شرحت تربية عملي كانوا كثيرين يمدحون طريقة شرحي لان ابسطها وكل الطالبات والمعلمات للحق كانوا يقولون لي انتي مرره ماشاءالله عليك بس للأسف المخ مدري ليه مايجمع معلومه على اني ابحث بالنت بس اشرح واخلص ماأتذكر الا القليييل
هاذا سؤال لكل معيده او بالأحرى تبي تصير معيده او دكتوره ادري ان الكل همه نجاح وانا اولكم بس ماينفع اتخرج وانا ماعرف قانون كولوم للكهربا وهو يعتبر من اساسيات الفيزيا
حبيت تشاركوني بالموضوع ولأن اشوف وضعنا مرره مايعجب ندرس وبالأخير ماكأنا درسنا
دمتم بود انتظر نقاشكم عزيزاتي
إختكم
BlanCko
التعديل الأخير تم بواسطة blanco ; 2011- 3- 4 الساعة 11:05 AM
|