|
رد: فِينِيّ ڪلـِْآمْ . . ! مآهُوَ مُجرّد [ فَضْفَضـۃّ ] !
[ALIGN=CENTER][TABLE1="width:95%;background-color:black;"][CELL="filter:;"][ALIGN=center]
يطيح جفن الليل واهـز كتفـه
يفز نجم ، وباقي الليـل مطفـي
واحاكي الجدران عن حلم غرفـه
ماتشبه الجدارن ويطول وصفـي
وتملني الجدارن واظهر لشرفـه
تحت السماء واسكر الباب خلفـي
ليت الشوارع تجمع اثنين صدفـه
لا صار شباك المواعيـد مجفـي
وليت الروابي تشرب دموع وطفه
ويصب لمع بروقها وسط طرفي
ياطاري الغدران والعمر رشفه
مع قلّها ، ياليتها اليـوم تصفـي
الصبر واجد مير الأقدار صلفـه
والارض واجد لكن العزم منفـي
الي اعرفه راح مانيـب اعرفـه
ولااظن يذكرني اليا اقلبت مقفـي
ماهو حبيبي مورد القلـب حتفـه
وماهو حبيبي يفرح بوقت ضعفي
تهب ريح وتسكن العظـم رجفـه
وتغيب ريح وتسكن اغصان نزفي
مُّر ثمر هالليل ، وامـر قطفـه
ذقته قبل يلمـس لسانـي بكفـي
هذا وتّو الليـل مـاراح نصفـه
ياليل بعض اللي مضى منك يكفي
[/ALIGN][/CELL][/TABLE1][/ALIGN]
|