ياللي على درب الجفا اتحط واتشيل
وتبني بعد بيت الوصل ، للهجر بيت
مانيب قايل : رح تراها تساهيل
لأن الغلا بنزين ، والصد كبريت
صحيح احبك واعشقك مثل ماقيل
واضيق لامن غبت ، وارتاح لاجيت
واقول لاصدّيت : لايطفح الكيل
وترجع واقول أنك على ماتمنّيت
لكن تراني ما اقبل الكبر والميل
وكرامتي ماهي دعايه ومانشيت
أما أني القى لي معزّه وتبجيل
وألا انتفارق فرقة الحيّ والميْت
ولاتبكي الفرقا مع الصبح والليل
ولاتقول أن طوّل فراقنا : ليت .!
اسهل طريقه للدموع / المناديل
امسح دموعك كل ما اصبحت وامسيت
واكتب على الماضي : عذاب وغرابيل
وبالإنجليزي سوّ للحب : Delete