المشاركة الأصلية كتبت بواسطة sad heart

الله يرحم والديـك أخوي سعودي مجتهد ,

وحياك الله أنت وأسئلتـك في أي وقت ,

تفضـل :



المحاضرة الموجودة حاليـا للمشاهدة ومعرفة المنهج والمقرر + تجميع درجات حضور المحاضرات المسجلة ,

في الكورس الحالي تغير نظام الدرجات الخاص بالمحاضرات ,

المحاضرات المباشرة عددها 3 محاضرات , كل محاضرة تحسب عليها درجة واحدة كاملة ,

وحضور تسجيل المحاضرات المباشرة يعادل حضور المحاضرات المباشرة ,

المحاضرات المسجلة عددها 14 محاضرة , كل محاضرة تحسب عليها نص درجة ,

وحضور المحاضرات المباشرة أو تسجيلهـا + حضور المحاضرات المسجلة ضروري ,

لأن المسألة جمع درجات وعلشان تجمع الدرجات لازم تحضر المحاضرات أو تقوم بتحميلها .

ومو لازم تنزل المحاضرات أول بـ أول , تقدر تنزلها وتحملها على راحتك ,

ولكن الأفضل والأحسن تنزلها أول بـ أول ,

أولا .. علشان ما يصير عليك تراكم , وثانيا .. علشان تراجع وتذاكر وتتابع مع الدكتور .



[line]-[/line]





نعم .. ومثل ما وضحت لك فوق , كل محاضرة أصبح عليها درجه خاصه فيها ,

وتحميل المحاضرة أفضل وأحسن لك , منها تضمن الدرجة ومنها تحتفظ بالمحاضرة إذا حبيت تراجعها بعدين .


[line]-[/line]




واجبات وليست إختبارات ,

حتى الآن وإذا لم يستجد جديد .. كل مادة من موادك عليها واجبيـن إثنين , والواجبات مالها موعد محدد ,

ولكن ماشاءالله كل الإخوان والأخوات في المنتدى مو مقصرين وإذا نزلت الواجبات راح نعرف عنها في المنتدى ,

وعلشان كذا أتمنى ما تقطع عن المنتدى وتتابع أخباره أول بـ أول .


[line]-[/line]





البانـر = نظام يتيح لكل الطلبة والطالبات المستمرين تسجيل المواد اللي يرغبون في دراستها ,

وأما الطلبة المستجدين , فقد طبقت الجامعة لهم من الكورس الماضي نظام التسجيل الفوري ,

والتسجيل له مواعيد محدده وتكون قبل بداية كل كورس ,


أتمنى يكون كل اللي وضحته لك واضـح , وإذا فيه أي شيء حاب تسأل أو تستفسر عنه لا يردك شيء .