|
رد: مساعدة لاهنتم .. تم قبول عذر التغيب عن الاختبار وش باقي اسوي ( صور توضيحية )
اقتباس:
المشاركة الأصلية كتبت بواسطة مجرد رأي
ولد الحفر انا متغيبه المستوى التاني مفروض انا الحين دفعه مستوى رابع بس للاسف راح ترم
وانت اخوي عبد العزيز انا والله ماقلت شئ الا من تجربه ومابي احد يعاني متل ماعانيت انا رسلتلهم العذر شهر 6 وردوا شهر 11 وطول هالفتره وانا على اعصابي ابي منهم رد ولا حياه لمن تنادي كلمت رسلت مافيه اي رد من اي طرف
اما سالفه اختبارات يالغالي والله ماراح يختبرون طمن حالك اختباراتك 23|6 معانا نفس المواد انت خلاص لاتسوي اي شئ 
هل نزلت موادك بالبلاك واذا مانزلت ذاكر موادك واطمن راح تنزل واتمنى لو نزلت تبلغنا هنا عشان يشوف ولد الحفر من عنده حق
واي سؤال انا حاضره ومره تانيه من شان تطمن والله والله والله انا كنت متغيبه وكل كلامي من تجربه ان شاء الله افدك والله يوفقك  |
أختي مجرد رأي
بعد التحيه ،،
كلنا مصدقين كلامك أختي وماعندي أعتراض على مصداقيتك وأنك تحاولين المساعده . كل اللي أقصده أن الجامعة مثل ماأنتم شايفين إلى الآن تتخبط في قراراتها والمشكله ليست على أخونا عبدالعزيز لوحده فكثير من الطلاب يعانون نفس المشكله ويقرأون هالموضوع وراح ينفذون اللي تقولون بناءً على كلامكم واللي صار معكم
من الظلم أن الطالب متغيب بعذر رسمي والجامعة قبلت عذره من أكبر الظلم أنه يحرم من فصل دراسي كامل ويتأخر بدراسته بسبب أن الجامعة مو قادرة تحدد وقت مناسب يختبر فيه الطلاب المتغيبين بعذر !!
أعتقد هناك حلول أفضل من حرمان الطالب من فصل كامل ومن أبسطها :
ـ يختبر الطلاب المتغيبين ببداية الفصل الدراسي أو في منتصف الفصل الدراسي .
ـ أو يحدد أختبارهم قبل الأختبارات النهائيه بأسبوع أو أكثر
ـ أو يوضع لهم فتره ثالثه بعد ماينتهي الطلاب من الأختبارات يتم أختبارهم
ـ أعتقد أن كثير من الطلاب ماعندهم مانع لو يتختبرون بداية الفصل الدراسي أو بمنتصفه بمقر الجامعة بالأحساء كأحد الحلول المقترحه ليتم أحتواء الطلاب وأختبارهم بمكان واحد إذا كانت الجامعة تتحجج بإشكالية عدم إمكانية فتح مقر لأختبار الطلاب على مرحلتين .. وممكن يكون حل صعب على البعض وخصوصاً الطالبات ولكن أعتقد أن هذه الحلول المقترحه أرحم من أن الطالب يضيع فصل دراسي ويتأخر بالتخرج
أتمنى أن اللي أقصده وصل إليكم لأني جربت التأخر بالدراسه والله تتعب كثير وتتلخبط بتسجيل المواد مستقبلاً ، وأكبر قهر إذا شفت زملائك الطلاب متخرجين وأنت متأخر بدون ذنب !!
وبالتوفيق للجميع ،،
|