... BaCk


الحمدلله رب العالمين رجعت للبيت بالسلامه ,


مريت البنك ودفعت الرسوم , وبعدها رحت للبريد وأرسلت وصل البنك ,

في البنك صادفت رجال جاي يدفع حق بنتـه , والمسكين ما عنده رقم حساب الجامعه ,

بس أشوا كنت قريب منه ولما سمعت إسم الجامعة قربت منه وعطيته رقم الحساب , ودفع الرسوم ومشت أموره .


في البريد عاد قمة الإحراج , الموظف طلع مطيـري , من نفس القبيلـة , وما قصر ضبـّطـني في كل شيء ,

وبعدها عطاني الوصل ومسك يدي وقالي ما ترجع الكويت إلا قبل ما تتغدى عندي , يا ليـل ,

دافع رسوم البريد ويعزمني على الغداء , أي كرم وأي جود هذا .. ,

الحمدلله قدرت أتهرب من العزيمة بعد جهد جهيد ,

وبعدها تهاوشتنا على فلوس الرسوم , سوينا زحمة وإزعاج بالبريد ,

وبالأخير هداه الله وأخذ الفلوس , وعطاني رقمه وقالي إذا تبي شيء بالبريد , دق عليّ وأنا أضبـّطـك .


حتى نلتقــي .. كونــوا بـخـيــــر .