ملتقى طلاب وطالبات جامعة الملك فيصل,جامعة الدمام - عرض مشاركة واحدة - Confession Chair 2 |كرسي الإعترآف ‏2 ‏

مكبره المخده · 2011- 3- 6

اقتباس:

المشاركة الأصلية كتبت بواسطة ترانيمـ الروح..}

ـ عبارة تسمعها ( الطيب ماله مكانه في هذي الدنيا ) شرايك فيها ...؟
هالعباره اكرها واكيد غلط الطيب له مكانه كبيره وله اثر في قلوب الناس لكن الطيبه بحدود ومع الناس اللي تستاهل

ـ متى تقولين لا وبدون تفكير ,, ومتى تقولين نعم وبدون تفكير ,,
بمعنى " لا " و" نعم " قطعياً ...
اقول لا : لآي شخص استغلالي يستغل الناس واي نسان خاين ومن يحاول يفرق بين الناس ومن يشوه سمعت الناس والمعرفه وقت المصلحه <<اكره شي عندي
ومن يحاول يحبط طموحي << ماسكه معي كلمه الناس..
و اقول نعم : لمن يحتاجي بأي شي ومن يحب الخير ومن يحبني لذاتي وينتقدني بكل صراحه ..
ـ- مواقف كثيره يمر بها الانسان
البعض منها يأثر في شخصياتنا..
اذكر موقف غير شي من شخصيتك او اثر فيك ؟؟
موقف اثر فيني وغير جزء من شخصيتي بس مابي اذكره لانه خاص ويضايقني << سوري

ـ - عالم المنتديات .. عالم واسع وكبير .. تقابل اشخاص .. تتناقش معاهم ..
الرابط "شاشه وسلك"
للمنتديات سلبيات مثل ماله ايجابيات كثيره..
في رأيك ماهي السلبيات والايجابيات للمنتديات.؟؟
ايجابيات المنتديات اكثر من سلبياته
ايجابياته تتعرفين تناقشين واحيانا في مواضيع تقراين تستفدين منها ايجابياته واااجد
اما سلبياته ف انا اشوف سلبيه واحده فيه هو بعض الشباب مو كلهم يتملحون للبنات وغصب الا تعرفين عليهم وبعض لا والله ونعم فيهم..
ـ- ماذا تعني لك :
دمعه الطفل
يا ويل قلبي اتحطم لاشفت دموع طفل يكسر خاطري
دموعه تعبني اجتياجه لشي او احتياجه لعطف وحنان او الم واحيانا دلع يحب يشوف اهتمام اهله له
دمعه المرأة
المرأه بطبيعتها حساسه ومشاعرها رقيقه حتى لو مثلت القوه فدمووعها تعبر عن ضعفها او حزن او احساس اوحاجه او فرح

دمعه الرجل
الرجل دموعه عزيزه عليه ما تنزل الا لشي القوي يعني انكسار او ظلم او قهر او مصيبه او اقسى درجات المه
ـ منصب تتمني أن تصلي إليه ماهو ؟
اتمنى اكون احممممممممم احمممممممممم
دبلوماسيه
- عملا في خلدك منذ زمن تتمنى ان تقومي به ماهو ؟
اول شي وانا صغيره لين المتوسطه تمنيت اكون مدرسه
بس وصلت لثانوي تمنيت اكون طقاااقه << لحد ينقد كانت ايام الدجه والرجه
-مكبره المخده في وقت الضيقة والزعل أول شخص تدورين عليه مين؟
ما ادور على احد لاني ألجآ لربي هو دااايم معي وهو االعالم بحالي وبعدها احب اكون لحالي او اكلم اي احد المهم احاول ابعد الضيقه والزعل عني..
- أكثر شخص ترتاحين له وتبثين له همومك؟
صديقتي فوفو واوقات اختي اذا مو مشغوله
- إنسان يجيب لك الإكتئاب ؟
آآآآه اكثر انسان يجيب لي الاكتئاب هندي البقاله داااايم داااايم يسكر التلفونبوجهي واكون مو مخلصه طلباتي
- أكثر شي يفرحك ؟
افرح وقت اسوي اي شغله وتعجب اللي حولي وافرح وقت فرح اهلي وصديقاتي واي شخص عزيز علي
- أيش يعني لك الشخص البدوي والحضري ؟
وش تحسين فيه على هالسؤال احس كأني باختبار جغرافيا
البدوي احسه صبوووور ويتحمل المصايب اكثر من الحضري..
والحضري احسه عقله وتفكيره متفتحه اكثر من البدوي وما خذ الامور ببساطه..i think so
- لو سافرتي اليومين ذي بتشتاقي لبنات الملتقى ولا لأ ؟
اكيييييييييييييييييييييييييد اشتاق لكم كولياتكم
- وش رايك في الصدااااقه ؟
اوووووووووووووووه اطلق شي واحلى ووووشنو بعد يعني بصراحه لو اتكلم من الحين لين 20 سنه قدااام ما اوفى الصدااقه حقها بكلااام عنها اصلن صعب يعيش الانسان بدون الصداقه
ومثل ما يقولون الدنيا بدون الصداقه ك العرس بدون طقاقات <<< هووووووووووع
-حادثة حصلت لك وعمرك ماتقدرين تنسينها ؟:
ياختي انتي ليه مقلبه المواجع علينا
- ما هو طموحك في الحياة؟؟؟
طموحي رضا ربي ثم امي وابوي
ويضل راسي مرفوع و راس اهلي بعد لين اموووت
واخلص دراستي بسرعه واتزوج واجيب اول خلفتي بنت
ووو شسمه واعيش مخلصه لكل اللي يحبوني ووو...............ز واشياء وااااجد بس انا اختصار رؤوس اقلام..
-تخيلي لقيتي بالصدفه مصباح علاء الدين وطلع لك المارد السحري وقالك اتمني 3 امنيات شنوو بتتمنين !!؟؟
اول امنيه تخلص اسئلتك الطويله <<< هوووووووووووع امزح
لا جد اول امنيه : يروح يكفخ الدكتور سيد لانه رافع ضغطي ويساعد صقيقتي ذا نازيه ويفكها من مشاكل الكليه حراام البنت تعقدت وتنزل لها مكافأءه ..
ثاني امنيه : اخلي امي تطلب منه يمكن تحتاج شي ولا شي
والثالثه خلها بعدين يمكن اجتاجه بشي ولا يمكن اخليه يكفخ احد احتياط يعني<< راح يذبح نفسه
. شنو أحلى ذكرى مستحيل تنسينها ؟
احلى ذكريات مو ذكرى ايااام الثانوي اوووم الفله بس فيه ذكرى ف بالي يوم عيد ميلادي صديقاتي على اساس جايبن هديه ومحلفيني اول شي اقرا الرسايل وبعدها افتح الهديه طبعا مرسلينها على البيت .. وبسرعه اقرا الرسايل عشان اشوف الهديه ولا الهديه مغلفه بغلافين عمركم شفتوا هديه بغلافين << عليهم حوااطه مدري من وين جايبينها
وافك الغلاف والا اشوف ذيك العلبه الحمرا قلت بس عطر ولا شي مميز والا افتحها طلعت

...<< ريال>>..

ولا ترا على كلمهم قطيه بينهم وفوق هذا كله كاتبين عليه عشان ما اشترى فيه << اوووم النذله
عضو نفسك تكفخه هههه ... ؟
طبعااا تبا للحنين
من زود حبي لك مثل ما يقول المثل من كفخك حبك << قلبت المثل على كيفي
-كـلمـــة تمنيـــــت ان تسـتطيـــع سحـبهــــا؟!؟
مآآآآآآآآآآآآفي الكلمه اللي اقولها اكوون قدهاا
-آخـــر شخـــص تتـــذكــــره قبـــل أن تنـــــام؟!؟
مافي احد محدد على حسب من مر على بالي لاني قبل ما انام افكر باللي سويته طووول اليوم واللي مر علي ياخذ نصيبه
من التفكيـــــــر..
-دمـعـــه انـذرفــــت رغـمــاً عنـــك؟
اذا انظلمت ولا احد يبي يسمع مني تبرير موقفي او احسه مو مصدقيني واذا شفت احد مريض ولا اقدر ساعده..
شي يعجبك فيني وشي ما يعجبك ؟
يعجبني فيك: اسلوووبك مع الناس واحترامك لنفسك قبل احترامك لناس
واللي ما يعجبني فيك: انك ما تسلمين علي<<< هوووووووووع
لا جد ما في ما شفت منك الا كل خير

ويعطيك الف عافيه اختي وانشاء الله تكون اسئلتي خفيفه عليك

ونااااااااااااسه خلصت <<< امزح

وربي اسئلتك تجنن وممتعه ب ستثناء البدوي والحضري بجد مدري وش تحسين فيه على هالسؤال..

{ سيري علينا لا تقاطعين }..