|
رد: هل أنتم راضون عن نظام الجامعة أرجوا التفاعل
انا من الناس الي مني راضيه على النظام في البدايه
لكن خلونا نفكر شوي بعقلناا وبهدوء
الجامعه في البدايه فرضت علينا واجبات ومشاركات في منتدى الحوار
ورفضنا وقومنا الدنيا مع ان النظام لصلحنا وهذا واقع
والجامعه ماقصرت وجد النظام لصالحناا لولا الله ثم النظام شفنا نسبت الرسوب مرتفعه
والحين فرضت علينا النقاش يمكن البعض يقول تضيع وقت على الفاضي وانا مو فاضي وانا مدري ايش ورانا بيت ودوامات وحنا انتساب .....الخ طيب اوكي محاكم حق
الجامعه ماراح تحط انظمه الا وهي عارفه ان النظام الجديد فيه مصلحه للطلاب
اول شي عشان الطالب يشارك ومايصير معه مثل السمستر الي راح على اخر لحظه وهو يحاول يشارك والمنتدى مهنق من الضغط ويرجع يسب ويشتم في الجامعه مع انه هو الغلطان ليه ماشارك من البدايه
ثاني شي فيه مصلحه لك انت تساعدك في الدراسه وتكون بعض المعلومات مرت عليك
واذا انت مره مقفله معك ومنت قادر تشارك وماعندك وقت خلي احد من اهلك يشارك او واحد من الاعضاء يساعدك وانا مستعده اساعد واشارك عن الي ماعنده وقت ووراه التزامات مو الي فاضي بس معتمد على الغير
مو شرط اجابه نموذجيه او لازم تكون صح بس اهم شي انك شاركت مشاركه فعاله
والاجابه موشرط من المحاضرات اقلها تفتح قوقل وتطلع الاجابه او تاخذهاا من بعض الطلاب الي مجاوبين
بس غير في الصيغه وماعتقد الدكاتره يدققون في الاجابات
وبعدين الاخت مهجده الحاره جزاها الله كل خير فاتحه موضوع مثبت فيه كل الاسأله واجابتهاا
انتوا اذكروا الله وفكروا فيها بعقل ولاتقولون الجامعه تبي تعجزناا او ماتبيناا ندرس صغروا المشكله تصغر كبروها تكبر
ادري بتقولون جات الاخت تتفلسف عليناا 
بس حناا كذا دايم اول ماايطلع قرار جديد نعصب ونسوي مشكله من لاشئ
صلوا على النبي ومااعتقد الجامعه ر اح تغير قرارهاا
في النهايه اسفه اذا طولت عليكم وهذي وجهه نظري اتمنى انكم تتقبلوهاا
واذا في انتقاد على كلامي اتقبل الانتقاد بكل صدر رحب 
موفقين جميعاا
دمتم بحفظ الرحمان
|