ملتقى طلاب وطالبات جامعة الملك فيصل,جامعة الدمام - عرض مشاركة واحدة

وزيرة · 2011- 3- 9

اقتباس:

المشاركة الأصلية كتبت بواسطة كبرياء

يابنات والله تعبنا
بما ان المحاضرات المسجله مو عارفين جديدة والا قديمه
كيف نعرف كم محاضره نزلها الدكتور عشان نتابع بتدرج ونقدر نشارك في منتدى الحوار
ياليت الي عارف بالضبط يضع لنا كل مادة كم نزل محاضرة الدكتور
خصوصا الي يقدر يحضر المحاضرات المباشرة
انا الي فهمته الى الان
الانجليزي "تمهيديه ، محاضرة 1،2"
وعلم الاجتماع محاضرة وحده
كذا تمام
طيب وبقية المواد كم محاضرة بالضبط نزلها الدكتور
تحملوني والله ماصارت هذي دراسة لخبطه مو قادرة اتابع
شكلي مابكمل على ها الوضع

شوفي ياغالية أنـا أول كنت مقفلة من جـد موب عارفه آيش أسوي لأني ماكنت أصلاً أدري شاالفرق بين المحاضرات المباشرة والمسجلة !!
لكن يوم دريت تسهلت شوي عندي !!
المحاضرات المباشرة هي عبارة عن 3 محاضرات وهي عبارة عن لقـاء بين الدكتور والطلاب أللي يبي يستفسر يبي يسأل عن شيء معين ووو الدكتور يبي يقول شي للطلبة عن حذف أو خبر وووو الخ !!
لكن المحاضرات المسجلة هي عباراة عن شرح المادة يعني ثابته تقريباً !!
أنتي اللحين أبدي في المواد أللي متأكده منهم وأللي ذكرتيهم صح 100% !!
عندج بعد النحو جزاء المصارة أتوقع خلاص هي الصح أعتمديهم !!

والمشاركة في منتدى الحوار مو إلا تكونين عارفه المادة ومذاكرتها عشان تشاركين وتردين !! عاد الله وأسئلة البنات أللي منتدى الحوار !!

كيف المادة !!
شكراً دكتور !!
كـل عام وأنتم بخير !!

ردي أللي تقدرين عليه من حيث الفائدة والسلام
وأي سؤال مايردج إلا الكيبورد ولاتنسحبين ولا شي تتوقعين السنة الجاية بتسهل لأ الأعداد كل مالها وتتزايد والضغط بيزيد معاهم يعني البلاكبورد إذا هاالسنة نفسية السنة الجايه بينتحر !!

لأ بس من جـد أنا لاأؤيد الإنسحـاب ماتدرين يمكن السنة الجاية يزيدون الرسوم ويصعبون القبول !!
هدي وأن شاء الله أن الأمور سهالاااات !!