بليله ساكنه فيها القمر أعطانا من نوره
جلسنا ع البحر نرقب جنون الموج واسراره
تأملنا الوله بين البحر والشط وصخوره
يصد الموج عن شط البحر ويعود لدياره
حبسنا انفاسنا وصرنا بعيون ٍ حيل مبهوره
نناظر بعضنا وغرنا وفينا عقول محتاره
حتى اشعورنا صاير يقول الثوره الثوره
ثملت انا وهي ثملا واظن السكره جباره
ثملنا بعشقنا وراحت لصدري تقطف زهوره
خذتني لصدرها وشفت بعيوني الدنيا دواره
لقيت بحضنها جدول وحوله جبال مشهوره
ومضيق يودّي لشفآة ٍ حُمُرْ بالشهْد قطــّآره
وشفت بعينها شمس ٍ وشفت انجوم منثوره
وشفت بها فضا فيه الكواكب دوم سياره
وشفت سجونها وصارت عيوني فيها مأسوره
وشفت بخدها خندق يصد الدمع وانهاره
وذبت بحضنها وذآبت بحضني وبلت جذوره
وجلت بكونها وجالت بكوني ودلت بحاره
غريبه إنها نالت حنان القلب وشعوره
غريبه إنها صارت لريشي زين أشعاره
توقعت ان بي روح ٍ بقاع الحزن مقبوره
وحسبت ان الشعور اضحى شهيد الحب واخطاره
وقررت اخلص بحبي وقلبي يصدق ابدوره
ويبني عشقي من لذة غرامي اليوم أسواره
وأمنع من يجي حد الفؤآد ويطلبه جوره
واودّع كل ما فآت بحياتي وامحي اثاره
وابروز بالوفا حبي ويبقى داخلي صوره
ويهنا قلبها بقربي ويضوي عمري بانواره
واظل آحبها حتى فؤآدي توقف شهوره
واموت بحبها لين النظر يستودع انظاره