لي صاحب لا شفت زوله تبسمت
يرتاح بالي كل مــــا شـــــفت زوله
كم هام فيني كم ..وكم فيه أنا همت
أموت في حسنه وزينه وقده وطوله
لامن نظر لي في عيونه تلعثمت
يضيع شيء في خــفـــوقي بقولــه
عن حب غيره ياعرب سبته شمت
يامـــر وانـــفــذ مايــبــيه بسهولــه
لو العواذل بيننا تكثر الشمــــت
عهدي أنا وياه مــحــد ينولــــه
ما الوم نفسي يوم جيته وسلمت
قلب ملكه بطرف عين خجــوله
اجمل كلام الحب منه تعلمـــت
أخذت أنا وياه صــولـه وجولــه
ما اذكر ولا مرة غشى جوي الصمت
بالعكس عشت الحب بأحلى فصوله
أنا مع تاج الحسن كم تنادمت
أعشقه وأعشق فيه حتى فضوله
يعني أحـــبــه لايعني تسلمت
قلب عجز بالحب غيري يطوله
رام الهوى قلبي وأنا بالهوى رمت
وأعلن خفوقي بالمحبة مثوله
وأفصحت عما فالخفوق وتكلمت
عن حالي اللي فيه بين نحوله
وقفت لحظة ثم بكيت وتبسمت
للعشرة اللي من زمان الطفوله
اتمنى ان تنال على اعجابكم