الاتيكيت بوضع المكياااج

اسمحوولي فيه خطاا اشووفه كثييييييييييييييره حيل .. في القاعه في الكافتيريا حتى عند الممرات اللي فيها مرايات كلن يعدلن مكياجه !! اصلن المكياج شي من خصوصياتك كيف تخلين خلق الله يشوفونك بمكان عام وانتي تعدلينه والبلاا ان كلن تسذاا اول مايخلصن من الفطور طلعن العده كلهاا ماكن فيه مكان ثاني يعدلن مكياجهن فيه
ياحبي لتس اذا جلستي بمكان عام وحسيتي انك بحاجه انك تعدلين مكياجك من الادب والذوق انك ماتتطلعين ادوات المكياج كلهاا همن رحتي تشتغلين ..في هالحاله يمكن تقوومين بدون ماتلفتين الانظار وتروحين للمكان المخصص علشان تعدلينه على راحتك ..
ومثله مثل الشعر لاتمشطين شعرك بمكان عام او على الطاوله حتى مايطيح بالاكل روحي لدورات المياه وضبطيه على كيف كيفك

والمناسبات برضو مو من اللائق أن تطلع الوحده لسهرة أو عرس وتحط نفس مكياج الصباح‏، .. حتى ولو لكل مناسبة أسلوب وألوان مكياج.
وانتم ابخص عاد

إذا كانت بشرتك دهنية حطي في شنطتك دائما البودرة الشفافة واسفنجة لانها أفضل شيء لإزالة الدهون،..
وإذا كنتي من صاحبات العيون الحساسة فخوذي قطره للعين قبل تسوين المكياج ..‏ وإذا طلعتي علشان تبلعين يمكن تثبيتين الروج بوضع شوي من البودرة الشفافة بعد ماتحطين الروج علشان مايطبع على الأكواب والفوط‏،...اهم شي .
واذا مانفع عاد وطبع عادي امسحيه دايركت بالمنديل
واذا بتحطين كريم الأساس اختاري نفس درجة وجهك او افتح بدرجه بس علشان يطلع مضهرك لائق ......... الخ.. هذا اهم شي قلته


اتيكيت الملاابس والاكسسوار ( قااعده 13 )


كلن وذوقه
اهم شي انتبهي من البقع في الملابس .. حتى لو توك تشوفينها وحاولتي تخفينها راح تبان
وراح تعطي عنك انطباع قذاره
وملابسك تكون على حسب : سنك + المناسبة أو الموقف .. والجوّ أكيد

بس بتكلم عن قاعده شفته في كتاب اسمها قااعده 13 !!وهي اصلن مثل خلاصه الحتسي
يقولون علشان تكونين انيقه لازم مايزيد الاكسيسوار في ملابسك عن 13 قطعه
مثل ازرار البلوزة تعد كل واحد قطعة
الجاكيت برضو قطعه مثل البلوزة.....
الحلق الاثنين كلهم يعدون قطعة....
السلسلة تعد قطعة...الدلايه فى السلسله قطعة....
الساعة قطعة....ومايصلح لبس اى شيئ بجنب الساعة....
الدبلة قطعةوالخاتم فوق الدبلة قطعة...ولا مايصلح نلبس اكثر من خاتمين فى اليد الوحده .
الحزام قطعة....الشنطة قطعة....
اذاكان الحذاء بوه اكسيسوار فيعدون الاثنين قطعة....
التوكه في الشعر قطعة.....
هذي للي تحب البسااااااااااااطه وطبعا البساطه سر الاناقه

انتبهي لحركاتك فكل حركه لها معنى

كل منا له عاداته وطريقته في التعبير عن رأيه كان بالكلام أو بالحركة ومرات كثيرة نشوف أنفسنا نقوم بحركات لا إرادية ينتبه لها الاشخاص الثانيين ، بعض الحركات لها معنى عندنا علماء النفس ماتركو شي بذ الوقت كل حركه فسرو معانيها الكامنه في النفس وجدوا تحليلات لكل حركة والي يمكن الانسان مايعرفها اصلن من الحركات اللي مووب زينه وتقلل من جاذبيتك هذولاا كل حركه وتفسيره

تحريك الخواتم أو الحلق:
تعبير عن حرجنا وقلقنا من الكلام الذي نسمعه وكأننا نبي نمنع أنفسنا من قسوة هالكلام أو ماودنا نسمعه حتى .. يااي حتى تحسين مايسوونها غير اللي كنهن مستحيات

تحريك السلسله:
يااه ياكثر ماسويها ذي
طبعا قالو انها من الأشياء التي تقلل من جاذبيتك انك تلعبين في السلسله اللي برقبتك هذي مافسروها بشي قالو انها بس مثل القافه يوم انها تمسكينها وتحركينها مير كنهاا سبحه موو بسلسله

عض الشفايف :

كلن يسويها ذي .. طبعا فسروهاا انننا نمنع أنفسنا بالقوة عن قول أي شيء وكأننا نحاول إبتلاع الكلام ...واذا صارت عادة دائمة فهي تدل على المقاومة للانفعالات الداخلية.
برضوو حركه مش كويسه ابد ابد


ضم اليدين عند التحدث :

هالحركة تعني رغبة ملحة في الدفاع عن النفس وحمايتها من رد فعل الطرف الثاني ووبعد تحسين اللي يسويها فيه شي بداخله وده يقوولوه بس كابته . وهذه الحركة بعد تدل على أن المتحدث خجول جداً وموب قادر على انه يتحكم بنفسه وقت وهو يسولف على اللي معه .. اكثر مايسوونها المبزره ولا

وضع اليدين في الجيوب وقت الحديث :

على بالي عاديه ذا الحركه ماتوقعت تفسيرها تسذا واحس لها كذا تفسير !!هالحركة قالو انها تدل على موقف محدد ضد الطرف الآخر ورغبة ملحة في عدم مصارحته يحول يعني كنها نفس شينه !!. وفسروها بعد انها حركة فيها لامبالاه وكبرياء وكأنه تقول بقرريح سوي اللي تبين ماهمن

وضع الأصابع في الفم:

ههههههه واتسبديه مادري كرهتها ذا الحركه من درويش مادري وشسمه يوم انه يقلد هيفااء مصيبه عاد لو بيفسرونها على التميلح ههه المهم فسروها غير وقالو انه دليل على التفكير تفسير صح


شد إحدى خصلات الشعر :

كلن يسويه ذي مير ابلشنا شعرنا من هالتمعيط ..المهم فسروها على انها تواصل مع الأفكار الداخلية واستحضار كل جزئية في هذه الأفكار. وانه إبحار مع الذات ومحاولة للاختلاء بالنفس... احس بس نسويها تسذااا مافيه ولا شي صح من هالكلاام !!.إلصح اذا تحولت ذا الحركه لعاده فهي دليل على انك متوتره وصايبك قلق

طرقعة الأصابع:
مابها شي ذي رد فعل طبيعيه ويمكن تكون محاولة منا للتعبير عن رغبتنا في إنهاء الوضع او الاسراع فيه أو بالعكس محاولة لتهدئته.
مثل اذا طفشنا من المراجعه قمنا نطقطق اصابعناا

وشكرا