انا مع الحالمه في كلامها .. الانسان عباره عن كتلة مشاعر .. عشان كذا فيه قسم طب اسمه الطب النفسي
المهم .. الحالمه انتوا فهمتوها غلط هي طرحت وجهة نظر ان الحب ماله طريق واضح .. وانتوا تقولون ان الحب يجي بعد الزواج .. وطبعا كلامكم صحيح الاثنين .. الحب من اكثر الاشيا تعقيدا واكثركم ماراح يفهم كلامي الين يجرب الحب ويعرف انا وش اقصد ..
المهم انا باختصرلكم واحل مشكلتكم ...
الله وضع في الاسلام قوانين واحكام نتبعها .. فهو الخالق سبحانه وهو الادرى بمصلحتنا .. بتقولون طيب هل ربي لما شرع الزواج هل فكر بالحب وكيف يجي ؟؟ (( التفكير مجرد تعبير مجازي لاكمال الجمله فقط .. التفكير من صفات البشر سبحان الله عن الوصف المذكور ولكنه مجرد تعبير مجازي لاكمال الجمله )) ..
باقلكم ايه الله حسب حسابه .. باعطيكم معلومه اكيده وليست مجرد تخمين او استنتاج ... (( الواحد او الواحده اذا كانت عايشه طول عمرهـ | ـا بدون حب او زواج او معرفه للجنس الاخر وقرر يتزوج لاكمال نص الدين او لاي سبب اخر .. اول ماتقابل عيونهـ | ـا
الشخص اللي بيكون زوجه تتحرك العواطف وتثبت عليه ويقرر في قلبه انه يحبه لا اراديا )) .. كلكم بتمرون بالحاله هذي ..
طبعا بتقولون مو شرط يمكن يكون او تكون شكلها مو زين او ذكره او ذكرها بين الناس مو زين .. باقلكم وقتها ماراح تحبهـ | ـا .. وطبعا لكل قاعده شواذ .. وياليت اللي تزوج او تزوجت يشاركنا بالموضوع
فيه ملاحظه :: اللي يحب قبل مايتزوج هذا نسبة انه يحس بالاحساس هذا ضئيله .. عشان كذا العلاقات الخارجيه اللي غير الزواج غير مرغوب فيها لانها بتمنع الشخص بنسبه معينه انه يحب زوجته او زوجها .. والله اعلم
وطبعا فيه الحب اللي يجي بعد العشره الطويله والحب احيانا لازم نسعاله عشان نحصل عليه .. عشان كذا اللي يتزوج لازم يراعي عيوب الشخص الاخر ويراعي نفسيته وعقليته ويغير نفسه عشان يقدر يعيش معه .. والحب يجي ويروح ممكن بعد عشره طويله تبرد العلاقه ويتعود الواحد على الثاني .. لكن عشان ماتبرد العلاقه وعشان يستمر الحب لازم يكون فيه سعي من الطرفين للمحافظه عليه .. ولاتفكرون الحب وحده بيقدر يخلي الزواج يستمر والحب عشان نحافظ عليه ويستمر مدى العمر لازم نجتهد ونتعب ونغير من انفسنا ومن اللي نتزوج منه ولازم يفهمون بعض وكل واحد يفضفض باللي في قلبه للثاني ويحاول بكل الطرق انهم يقربون لبعض ويحافظون على قربهم ........ الخ
اعذروني على كلامي الكثير ... وأأمل اني وصلت الفكره بشكل واضح .. وتقبلوا مروري