ملتقى طلاب وطالبات جامعة الملك فيصل,جامعة الدمام - عرض مشاركة واحدة - الرسالة (8) : هام جداً د.سعيد سيف الدين (تتعلق بالواجبات)

صوت الحلم · 2011- 3- 14

اقتباس:

المشاركة الأصلية كتبت بواسطة ۉرډ آڷجۉري

صوت الحلم تسلمين على اهتمامك ويعطيك العافيه اناحليت الاسئله كلهاماعداالسؤال 1 و4 من الصفحه الاولى ياليت حبيبتي تقوليلي الحل وياليت تفهميني ليه

بخصوص الشرح بالتفصيل أن شاء الله راح اشرح كل الاسئلة اذا ما فهمتوها وقت ثاني

حالياً بإختصار بشرح لك بس بدون الاجابة بخليك تطلعيها انت علشان لازم تفهميها وبعدها ما راح تخربطي

بخصوص السوال الاول
العلم الذي يهتم بجمع وتبويب وعرض وحساب بعض المقاييس ....

حاطين لك تعريف هذا التعريف تعريف الى اي علم ؟؟

انت راح تحذفي علم تنقينة المعلومات وعلم تكنولوجيا المعلومات لان ما لنا فيهم اصلا
راح تبقى اجابتين شوفي تعريفهم :) وراح تعرفي الجواب

بخصوص السوال الرابع
انتبهي قايلين لك معدلات تراكمية انا لمااقول لك مثلاً معدلك التراكمي كم ؟؟

حطي في بالك البيانات النوعية لا يُعبر عنها بعدد

البيانات الكمية المتصلة تُقاس ولا تعد ( أي ياخذ فيه قيمة ما بين عددين اي ممكن اقول انه 1فاصلة 5 ( 1.5 ) اي هذاي ما بين الواحد والاثنين مثل (الاوزان والاطوال)

البيانات الكمية المتقطعة تًعد ولا تقاس اي يا اما اقول 1 او 2 (مثل عدد اسرتك او عدد الطلاب في فصل )

لما اقول لك اكتبي لي معدلك التراكمي شو راح تكتبين لي ؟؟؟ او معدلك التراكمي في شهادتك الثانوية كم ؟؟

ملاحظة
راجعي تمرينات الباب الاول وحلولها فها كذا تمرين من هالنوع ممكن لو ركزتي ما راح تخربطي ان شاء الله