2009- 1- 18
|
#75
|
|
أكـاديـمـي ذهـبـي
|
رد: خبر جديد عن التسجيل
مرحبا بنات
كيفكم ان شاء الله بخير
ادري جالسين على اعصابكم وتنتظرون خبر عن القبول بس يلا هانت
عندي معلومات مهمه لازم تعرفوها قبل التسجيل
سوري على تأخر المعلومات بس انا اليوم عرفت كل شي
ملاحظه مهمه للجميع
كل طالبه راح تسجل مطلوب انها تدفع 3000 ريال سواء كانت فاونديشن واللي نقصد به كورس الانجليزي او بتكون تمريض لانها راح تعتبر رسوم اكمال التسجيل في كلية سعد
وايضا اختبار الايلتس اللي راح تختبرونه والمطلوب تجيبون فيه 4 راح تنحط الاسئله من قبل معلمات كلية سعد وراح يكون مشاهب لاختبار القنصليه البريطانيه <<<عشان تعرفين مستواك بدون ماتخسرين فلوسك
وهذا الاختبار راح يحدد دخولك الى كورس الانجليزي او التمريض مباشرة
البرامج اللي تكلمت عنها لما جاوبت على سؤال الاخت ازهار اقصد بهم
الاول:
الطالبه تدرس على حسابها الخاص
اذا كانت سعودية تدفع 40 ألف ريال
واذا كانت غير سعودية تدفع 45 ألف ريال
وراح يكون الدفع على اقساط ولابد يكون الدفع مقدما
وهذا يتضمن الدراسه فقط دون العمل
البرنامج الثاني:
صندوق الموارد البشريه
تطلب الطالبه من الكليه انها تكون على صندوق الموارد البشريه وهم يقومون بتقديم اوراقها في حال استيفاءها لشروط القبول في كلية سعد وراح تدرس الطالبه 4 سنوات ومعاها سنه امتياز <<<اللي هي التطبيق
وراح تشتغل في مستشفى سعد لمدة 4 سنوات
البرنامج الثالث:
منحة وزارة التعليم العالي
لازم تستوفي شروط قبول كلية سعد مع اجتياز اختبار القياس
ويكون التسجيل عبر الموقع وراح يكون كل راس سنه اكاديميه يعني التسجيل يكون في بداية السمستر الاول فقط
وفي حال قبول الطالبه وانضمامها الى المنحه لابد من تجديد التسجيل سنويا بناء على المعدل حيث يتم اعلامها من قبل الكليه بموعد التجديد وماعليها سوى دخول الموقع ووضع بياناتها ومعدلها
ان جابت المعدل المطلوب <<<وزارة التعليم العالي تتكفل بــ100% من مصاريف الدراسه
واذا كان اقل من المعدل المطلوب <<<الوزاره تدفع 50% من المصاريف والنص الباقي على الطالبه
ملاحظه: الطالبه اللي تابعه للمنحه ماراح تشتغل
اتمنى من الجميع التفكير جيدا قبل التقديم ومعرفة الخيارات المتاحه
كل ماذكرته من معلومات مأخوذ من مكتب شؤن الطالبات بكلية سعد
والكلام قابل للتغيير
والله الموفق
|
|
|
|
|
|