|
من إدارة الملتقى إلى بنوتاااات هالقسم *_^
السلام عليكم ورحمة الله وبركاته
مساء / صباح الخير جميعاً
أخباركم عزيزاتي ؟؟
إن شاء الله بخير ...
هاه بشروا خلصتوا إمتحانات ولا بااقي ... موفقين إن شاء الله..
المهم ...
لاحظت خلال هالفترة كثرة المواضيع التي لا تزيد لا للأعضاء ولا للملتقى بأي فائدة تذكر ...
أبي أعرف أنتوا تقرأون الآية المكتوبة فوق صندوق الرد وفاهمين معناها ...؟؟
{مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ} (18) سورة ق
الإدارة ما كتبتها إلا لتخلي مسئوليتها من تحمل الذنوب يوم القيامة لكي لا يجد أحد حجة علينا ...
في هالقسم بالذات كل يوم أدخل لازم أحذف موضوع ( لا يدل أبداً على وعي وثقافة الجامعيات ) ...
أنا عارفة أنكم بنات كبار وفاهمين ومسئولين عن كتاباتكم أمام الله عز وجل أولاً و ثانياً أمام الناس ...
حبيباتي أنا ماكتبت هالموضوع وتعبت نفسي إلا عشان مصلحتكم ...
انتبهوا لكتاباتكم ... أكثر أهل النار يدخلونها بسبب السنتهم ...
قريت ردود كثيرة فيها ( قذف ، تشهير بأسماء ، سب ، شتم ولعن ، وصف ، دفاع وهجووم بسبب أو بدون سبب )
ما استفدتوا منها شيء إلا الذنوب و الحساسيات بين بعض والحقد والأحزاب اللي صايرة بينكم ...
كل يوم وحده مرسلة لي رسالة ألحقي وأحذفي الموضوع بعد أيش بعد ماتكبر السالفة ... أحذفه ... وتنزلونه مرة ثانية ..
لييييه ؟؟؟ مافهمتوا ليش نحذفه يعني ؟؟ أبي أفهم ...
فيه رسائل خاصة وفيه عندك الكلية تفاهمي مع البنات فيها ... مو لازم الكل يعرف شيصير داخل أسوار الكلية ...
انتبهوا على نفسكم محد بينفعكم يوم القيامة إذا جاء وقت الحساب ...
وأبي أعرف الحين ليش أشوف شباب يشاركون البنات المواضيع الخاص فيهم ؟؟
وش الفايدة من وجودهم ؟؟
تحذير أخير أي شاب يتواجد في قسم خاص للبنات بدون فايدة ( يعني هدفه السوالف الإدارة بتتفاهم معه) ...
أي أستفسار حياك الله محد مانعك أما تجي تسولف وتقضي وقت لا روح قسم جامعتك وسولف مع الشباب اللي مثلك...
وياااابنااااات ياااحلووات ... انتبهوا ... انتهبوا ... لا تعيدون هالمصخرة اللي صاارت مو موضوع ولا اثنين اللي انحذفوا فووق 5 مواضيع ...
لذلك أي شيء ماله داعي من اليوم الإدارة بتتصرف مع الكاتب ...
أي رد مو عاجبكم اضغطي بطاقة مكتوب عليها تبيلغ عن مشاركة سيئة ...
أنتِ بس أضغطيه و الإدارة بتتصرف مو تروحين تردين على اللي كاتبه وتعيدون السالفة من جديد ...
عزيزاتي ...
أتمنى تقدرون خوفي عليكم كأخوات لا أرضى أن يتهمكم أحد بتفاهة التفكير وسطحيته ...
تذكروا أن فيه كثير يقرأون ماتكتبون ومو حلوة بحقكم أن يساء إلى كل بنات الكلية بسبب خطأ من كم وحدة ...
أكثروا من الإستغفار فإنه يمحوا الذنوب ...
التعديل الأخير تم بواسطة دنيتي قلبك ; 2009- 1- 19 الساعة 10:50 AM
|