صح عليك جيسيكا أنتي كذا


سعودي وأفتخر بأرضي ولاني بالفخر مغرور ..
إلى من قيل لي وش ديرتك قلت السعودية ..
رفيع الرأس بأفعال حقيقية ما تعرف الزور ..
تسطرها تواريخ الفخر صفحات وردية ..
كتبنا المجد بعد المجد سنين ماضية ودهور ..
على صدر الزمن مكتوبة بحروف ماسية ..
لنا الماضي لنا الحاضر لنا مسقبل من نور ..
لنا التأثير في الدنيا ببصمات حضارية ..
من الإسلام منبعها فمنهاجه لنا دستور ..
على درب الموحد صادق الأفعال والنية ..
ابو تركي سليل المجد نور الكون في الديجور ..
ومن بعده رجال ارواحهم للدار مرهيه ..
توحدنا بعد كنا ضحية جهلنا والجور ..
وصرنا كلنا اخوة نعيش بكل حبية ..
من الآمر إلى المأمور منهجنا الإخاء والشور ..
على درب التساوي والعدل بأوضاع مرضية ..
وقدوتنا رجال لأجلنا لو داسوا المخطور ..
يبون الدار مثل الشمس في الأكوان مرئية ..
وإلى من بانوا الحساد واللي بفعلته ماجور ..
يبان الجد وقت الجد بأفعال النداوية ..
لتبقى ديرتي رمز الرخاء تحيا امن وحبور ..
بفضل الله واللي رعاها بكل حنية ..
ابو متعب ابو كل الشعب في برها وبحور ..
إذا ناموا بقى ساهر لتبقى الدار محمية ..
عزيز النفس متواضع ولا يرضى بحني ظهور ..
ولا تقبيل ايدينه من اللي جاه لتحية ..
حماك الله يا بلادي لتبقي حصننا المعمور ..
تعيشي لو فيننا كلنا نفدي السعودية ..

فـــديــت الــســعـودية أنا ..