على كثر السنين اللي عرفتك ما عرفتك زين
تمنيت اني ماشفتك ولا لحظه ولا شويه
حسبت انته وأنا نبقى حبايب نبقى أحلى اثنين
حسبتك تبقى لي طول العمر مخلص وفي ليه
وأثاري حبنا كذبه ونسيت العشره في يومين
زرعت الشوك أنا بنفسي غرست الهم بيديه
أنا ماكنت أظن اللي يحب يحب له شخصين
على بالي أنا لحالي وحبيبي يموت بس فيه
على النيه مشيت وما عرفت أمشي معاه لوين
الين الوقت بين لي نوايا غدر مخفيه
تعال وشوف وش كثرالدموع اللي تخون العين
كثر ماخانني حظي وعرفتك وانت مو ليه
أنا شاللي يصبرني على همي معاك للحين
خلاص ابعد وانا ببعد ولا تسأل أبد فيه
واذا قصدك تبيع وتشتري قلبي أنا بحرفين
أبمحي الحب من قلبي وأعيشك ذكرى منسيه
أناني مثل ما انته ولايفرق معاك البين
وأنا ماعاد تعنيلي وخساره فيك ماضيه