ليته قبـل مـاراح مهـد لفرقـاه
ولا معلمني عـن الهجـر ونفيـه
روُح بـلا اسئـذان خـلا هديـاه
اثر الهجر وسـط الهديـا مغبيـه
قدم لي عطر وساعةٍ يـوم لقيـاه
كنٌه يقول اصبر على البعد ياهيـه
لامن بغيته شلت عطره عن غطـاه
كل مايفوح العطر نسنـس معاليـه
اخاف يكسر بعدهـا ويـن ابلقـاه
مغير اصونه عن يدي وين اوديـه
وساعه بقت في معصمي نار تصلاه
كل مانظرت الوقت تطري طواريـه
يجوز يشكـر يـوم خـلا بقايـاه
ولا يعاتـب ليـش قلبـي يعنيـه
يعنـي كـذا ولا كـذا جـد ويـلاه
ياقو قلبـه كيـف قلبـي يجافيـه
اموت وادري ليش سـوى سوايـاه
وانا الوحيد اللي عن الناس حاميـه
}ليته{ ذكر وش جاه من جور دنياه
الحال حال ولا لقاء مـن يداويـه
كنٌ الوجع في ظاهره ثوب غطـاه
وكنٌ الحزن عن بدت الناس غاليه
مالوم نفسـه يـوم همـه تعـلاه
بالمختصر كان السبب من حواليـه
خلانه اللي بالرخاء صاروا اعـداه
باعوه لجروحه ولحـدٍ نظـر فيـه
(اذكر) لفانـي بعـد محـدٍ تمنـاه
جاني ودمعه يفضحه ميـر يخفيـه
يومه زهمني جاوب الشوق حيـاه
والكـل منـا فـز لعنـاق مغليـه
لحظه حضنته لـالصدر لج ببكـاه
دمعه يبلل غترتـي مـن بلاويـه
خذيت له من نـون عينـي تغفـاه
وخذيت من روحه بقاياء مائسيـه
علمته كتاب الامـل كيـف يقـراه
وانا جهلته يـوم طالـت حراويـه
عزاه يا حـبٍ وفـاء فيـه عـزاه
حبٍ قسـم بالله مـدري شسميـه
لــولا حـقــوق الام والله والله
لقول حبي مالقـاء مـن يضاهيـه
باكر يجيبـه حبـه اللـي تناسـاه
مير المصيبه وين يلقـاء مهليـه
هاكم شعوري كان جاكـم ويبغـاه
وقولوة اني صدق احبة ولا ابية