الموضوع بـصراحه مؤثر بشكل كبير ,
والله يجزاهم كل خير هالشباب اللي سافروا وتعنوا علشان يوزعون الكسوة على هالمساكين ,
الشباب تاركين أهلهم ومشاغلهم وينتقلون من مدينة لي مدينة علشان يوزعون أشياء على الرعيان
اللي كفلاء الرعيان ما وفروها لهم , ومن أبسطها كسوة وبطانية ينام فيها ويدفي نفسه من البرد تالي الـليل !!
فيه صور في الموضوع تكسر الخاطر وتعور القلب , خصوصا صورة اللي مخلي الحصاة مخده له !!
حنا يالله لك الحمد فراش طبي ومخدة طبية وديباجات وبطانيات ولمبات للنوم وحركات مدري شقول عنها ,
لا ومرات من زود الفسقه بعضنا يروح نغير الفراش والمخدة وإضاءة الغرفة وديكورات الغرفة وخرابيط الغرفة
!!!!!!!!
وهذولا ينامون بـ الخلا , بين العقارب والديبان والذيابة , وبعضهم ينام في مكان ما يصلح أصلا إنك تقعد فيه !!
ولكن لقمـة العيش صعبة , وإلا البنغالي والنيبالي لو يحصل له وظيفة في ديرته , ما ترك أهله وتغرب وتبهدل ,
حنا في نعمه محتاجة شكر وحمد علشان تدوم
, لا نبطر ونفسق على نعمة الله .
رايقـة ..
تسلمين عـ الموضوع ,
ولو الله ثم موضوع ما عرفت عن هالفعل الكبير اللي قام فيه الشباب ,
ومعلش .. إسترسلت بالكلام , السموووحه 
.
