السلام عليكم ورحمه الله وبركاته
انا رافع ضغطي مسأله الاقساط بالمعهد الكندي
بصراحه نظام غريب ومريب .. يعني يطالبون البنات بدفع اقساط الدبلوم كل شهر ورا بعض ..
طيب يفترض يكون في تقسيم للترم الاول والثاني .. مش كذا ورا بعض ورا بعض .. يعني البنت ممكن تدفع كل المبلغ وهي ماكملت مستويين على بعضهم .. شئ غريب ..
وطبعا هم كاتبين في نشرتهم ان الدفع شهري .. لكن الحقيقه انهم يطالبون البنات بالدفع في مده ماتجاوزت 3 اسابيع حتى ..
هم مدرساتهم كويسات وتعليمهم يمشي .. بس اسلوبهم هذا في الاقساط اسلوب ماااااااااادي بحت بشكل مزعج
تحسون انهم يبون يدفعون البنات كل المبلغ عشان يضمنون انهم مايطلعون .. وهذا اعتقد اسلوب مره رخيص بالنسبه لمعهد اكاديمي ..
طيب البنت ممكن تدفع نفس نظامهم .. وتكمل معاهم لكن بسياستهم هذي راح يفقدونها كعميله دائمه مثلا للدورات
المختلفه .. او راح يخسرون ناس كثير لو كل طالبه اشتكت من نظامهم ..
هل اداره الاكاديميه تفكر بالربح السريع فقط ..؟؟ ام انها تفكر بالربح على المدى الطويل ؟؟
اعتقد انه من المهم الموازنه بين حقوق الطالبات .. وحقوق الاكاديميه ..
ياليت اداره المعهد تغير هذا النظام اللي يبخس حقوق الطالبات ..
دمتم بود